تويت
عبدالناصر ميرغني «وداعي بيكون»
وداعي بيكون
وداعي بكون
رحيل صامت بدون أحزان
وزي مشهد قديم
صورة حطام أبيض وأسود
باهتة دون ألوان
ولا بستنى
أتلفت هناك في الزاوية
واختم بي دموع
مشنوقة سقف العين
تقيف حيرانة
زي نجمات
تفتش لي مدار هربان
ولا كلمات بدون عنوان
وعارف مافي إيد ملهوفة
باين خوفه
من ريحا ورايَ تشيل
تراب آخر خطايَ
ولا قلب لهفان
عشان القصة بيناتنا
ومن زمنا بعيد
لبست خريف باهت
وضاعت منَّها الصفحات
بقت عنوان مجوف
بارد الكلمات
عشان القَلْبِ في غبش المراحل
جد فقد نبضاتو
زي طفلا يتيم
اتلاشى
في زحمة عوالم قاسية
صامت مات..
وبس تشرق شمس
يتفرَّ ألاف الطيور
تتناسخ النبضات..
وداعي بكون
رحيل صامت بدون أحزان
وزي مشهد قديم
صورة حطام أبيض وأسود
باهتة دون ألوان
ولا بستنى
أتلفت هناك في الزاوية
واختم بي دموع
مشنوقة سقف العين
تقيف حيرانة
زي نجمات
تفتش لي مدار هربان
ولا كلمات بدون عنوان
وعارف مافي إيد ملهوفة
باين خوفه
من ريحا ورايَ تشيل
تراب آخر خطايَ
ولا قلب لهفان
عشان القصة بيناتنا
ومن زمنا بعيد
لبست خريف باهت
وضاعت منَّها الصفحات
بقت عنوان مجوف
بارد الكلمات
عشان القَلْبِ في غبش المراحل
جد فقد نبضاتو
زي طفلا يتيم
اتلاشى
في زحمة عوالم قاسية
صامت مات..
وبس تشرق شمس
يتفرَّ ألاف الطيور
تتناسخ النبضات..
