تويت
عبدالناصر ميرغني «.لما الجروح ترجع تبوح»
لما الجروح ترجع تبوح
رغم المشاهد الكابية ..
غابات الهموم..
نبض الألم
لمن تقيف تنظر وراك
تلقى التفاصيل اتمحت
تلقى الدروب اتغيرت
تلقى العيون فقدت بريقها
وأصبحت شباك قديم
أطرافو خضاها الزمن
واتكسرت
خلفو المشاهد من غبار
من غير معالم
كون هزيل
أطيارو في الليل هاجرت
رغم العنا
لما الجروح ترجع تبوح
ترقص
علي إيقاع دموع
جوف الليالي اتحدرت..
مرات.. كتير بتذكرك..
واذكر دروب
فيها الخطاوي اتبعثرت
وتطوف مشاهد
في العميق اتصورت
لحظات سعادة
ومرة حُزْنِ
ومرة أحلام بالعناد اتبخرت
ضحكات هنا
وآهات هناك..
في الحلق عبرة اتحكرت..
وقلْب النبضة فيهو اتخدرت..
لكين خلاص
مرت سنين ..
شتلت علي شغف الفؤاد
صبار صبر ألوانو بهتت
صفَّرت
صار النَّبِض في الجوف
مقاطع من صور
خلفية من شباك قديم
نسجت عليهو العنكبوت
مات الحنين
غير ذكريات اتصورت..
بس ليها في الخاطر عبير
بفضل يفوح
مهما الفصول اتغيرت
رغم المشاهد الكابية ..
غابات الهموم..
نبض الألم
لمن تقيف تنظر وراك
تلقى التفاصيل اتمحت
تلقى الدروب اتغيرت
تلقى العيون فقدت بريقها
وأصبحت شباك قديم
أطرافو خضاها الزمن
واتكسرت
خلفو المشاهد من غبار
من غير معالم
كون هزيل
أطيارو في الليل هاجرت
رغم العنا
لما الجروح ترجع تبوح
ترقص
علي إيقاع دموع
جوف الليالي اتحدرت..
مرات.. كتير بتذكرك..
واذكر دروب
فيها الخطاوي اتبعثرت
وتطوف مشاهد
في العميق اتصورت
لحظات سعادة
ومرة حُزْنِ
ومرة أحلام بالعناد اتبخرت
ضحكات هنا
وآهات هناك..
في الحلق عبرة اتحكرت..
وقلْب النبضة فيهو اتخدرت..
لكين خلاص
مرت سنين ..
شتلت علي شغف الفؤاد
صبار صبر ألوانو بهتت
صفَّرت
صار النَّبِض في الجوف
مقاطع من صور
خلفية من شباك قديم
نسجت عليهو العنكبوت
مات الحنين
غير ذكريات اتصورت..
بس ليها في الخاطر عبير
بفضل يفوح
مهما الفصول اتغيرت
