تويت
عبدالناصر ميرغني «بالله كيفِك»
بالله كيفِك..؟
مِنَّ البعيد بَرْسِل سلام
ما بالكلام..
خفقة قلب مسكونة شوق
إحساس معطر بالمحنة
وفي الحواشي تطوف صور
تنبض عروق
بالله كيفك..؟
وكيف ظروفك..؟
يا ترى المكتوب يكحل عيني تاني
ويبقى في المقدور أشوفك..؟
ما المسافة البينا شوك
فارش عليهو الضلمة ليل المستحيل..
ما الدنيا بعدك زي صحاري
وين تعاين
تلقى فيها الصمت ساكن
باهته أنوار المداين
في العيون الحزن باين
والبيوت والناس بقت أشباح بتمشي
وفاقده في السكة الدليل..
معقوله بس..؟
في لحظة يبقى الكون يباب
يصبح شروق الشمْسِ زي لحظة مغيب
تبقي الزهور من غير أريج
تطويها صفحات الكتاب
مقتولة بي صمت الذهول..
بالله وين سحر الصباح
لمن تسوق الخطوة لهفة
لما تبقى الكلمة رعشة
زي ورد بي عطرو باح
بالله وين سحر الأماسي
لما تبقى أحلى لحظات الوداع
مشحونة بالحس الرقيق
تتردد الخطوات تقاسي
والعيون ترجع تشيل الزاد
وتطبع بين خطوط النبض آلاف الصور
بالله وين سحر الصباحات الجميلة
ووين عبق سحر الأماسي..؟
ووين شذى العشق النبيل..
بالله كيفك..؟
وكيف تفاصيل دنيتِك..؟
مبسوطة ترقص خطوتك..؟
سحرك يرفرف في العيون الضمتك
تشرب عبير طيبتك
وتنهل من منابع رقتك..؟
بالله لو بي حتى كلمة
أو خيال منك يزور
خلينا نطمن عليك
نعرف تفاصيل دنيتك..
ما عز من بعدك بديل..
مِنَّ البعيد بَرْسِل سلام
ما بالكلام..
خفقة قلب مسكونة شوق
إحساس معطر بالمحنة
وفي الحواشي تطوف صور
تنبض عروق
بالله كيفك..؟
وكيف ظروفك..؟
يا ترى المكتوب يكحل عيني تاني
ويبقى في المقدور أشوفك..؟
ما المسافة البينا شوك
فارش عليهو الضلمة ليل المستحيل..
ما الدنيا بعدك زي صحاري
وين تعاين
تلقى فيها الصمت ساكن
باهته أنوار المداين
في العيون الحزن باين
والبيوت والناس بقت أشباح بتمشي
وفاقده في السكة الدليل..
معقوله بس..؟
في لحظة يبقى الكون يباب
يصبح شروق الشمْسِ زي لحظة مغيب
تبقي الزهور من غير أريج
تطويها صفحات الكتاب
مقتولة بي صمت الذهول..
بالله وين سحر الصباح
لمن تسوق الخطوة لهفة
لما تبقى الكلمة رعشة
زي ورد بي عطرو باح
بالله وين سحر الأماسي
لما تبقى أحلى لحظات الوداع
مشحونة بالحس الرقيق
تتردد الخطوات تقاسي
والعيون ترجع تشيل الزاد
وتطبع بين خطوط النبض آلاف الصور
بالله وين سحر الصباحات الجميلة
ووين عبق سحر الأماسي..؟
ووين شذى العشق النبيل..
بالله كيفك..؟
وكيف تفاصيل دنيتِك..؟
مبسوطة ترقص خطوتك..؟
سحرك يرفرف في العيون الضمتك
تشرب عبير طيبتك
وتنهل من منابع رقتك..؟
بالله لو بي حتى كلمة
أو خيال منك يزور
خلينا نطمن عليك
نعرف تفاصيل دنيتك..
ما عز من بعدك بديل..
