تويت
الفاتح الحلاوي «مشتهيك»
مُشتهيكي ... وبشتهيك
إسمك ..مسطّر بالنجوم الّلامعه .. دِيك
رسمِك ..مطرّز بالحرير الأصلو فيكي ومنّو ليك
مُشتهيكي .. وبشتهيك
ويوماتي لخيل ..الخيال أنا أمتطي
شان .. أوصلِك و أجلس ..حِداك أتلمّحِك
وتبقى تجبرني .. الظروف
أمشي ..منِك .. أبتعِد
شوقاً ..يعربِد .. أقوم أجيك
بشتهيك .. لمّا المسا
يلملِم ..همومو .. والأسى
ولامِن ..خلاص الناس
تجرجِر .. لعناقريبها
و ترشرِش .. الحيشان كمان
تفكّر..كيف تنوم تصحى الدُغش
تلزم سكونها .. وتنتشي
والليل يحِل ..ينزل يحوم ..
يشبع ...مشي
ويصبِح .. رفيقها
وسِر بقاها الأُكسجين
في لحظتها ..
لمسات حنانِك ..تعتريني
وشُحنات .. شجن .. من داخلي
تشرُد ..تعتريك
وأرقُد على شقي .. اليمين
واتنفسك ..
ويسبح ..هواك .. في الأورده
يحلِّق الحُب في المدى
أشكيلِك ..الهم العلي
تشكيلي ..عن كُل العليك
في ...لحظتها
بتلمّسِك ...
بتحسّسِك ...
في حالة ..شهيق .. أنا بتنفّسِك
وألفُظ الزفرات أنين
في كمونِك .. والسكون
أنا بشتهيك..
بشتهيك ...متوهِجه
يادُرة الزمن اللبد ..ولسه ما جا
بشتهيك .. أروع طقوس
عند الشُلُك ..عِند النوير
عِند .. الهدندوه .. والبِجا
لوحة .. عريس ..قايداهو عروس
بشتهيك .. عِز النهار
شان تنفضي ..ذرات غُبار
شان تمسحي لكآبة جات
بعد ..الأصيل
إتسلّقت .. وإتمدّدت جواي عديل
لبّست .. كل البلد جُلباب ..حُزُن
بشتهيك ... أجلس معاك
وأحضِن الناي .. العتيق
الكُنت ..ناسيهو ..
في ركُن .. مُظلِم ..زمن
وهو لِسّه ..حي قايلنو مات
والله ..حي حامِل معاو نفس السِمات
بشتهيك ...واعزِف على الأوتار نهار
لحن ..التوجُّه ..والمسار
وأظل مدوزِن للغُنا
حتين ..يطِل فجر الهنا
وقتين يصيح ..الدِك فجُر
يصدح يقول :
هديِك ..هديِك
جات الجميله المُثمره
وجات الوسيمه السّاحره
إسمك ..مسطّر بالنجوم الّلامعه .. دِيك
رسمِك ..مطرّز بالحرير الأصلو فيكي ومنّو ليك
مُشتهيكي .. وبشتهيك
ويوماتي لخيل ..الخيال أنا أمتطي
شان .. أوصلِك و أجلس ..حِداك أتلمّحِك
وتبقى تجبرني .. الظروف
أمشي ..منِك .. أبتعِد
شوقاً ..يعربِد .. أقوم أجيك
بشتهيك .. لمّا المسا
يلملِم ..همومو .. والأسى
ولامِن ..خلاص الناس
تجرجِر .. لعناقريبها
و ترشرِش .. الحيشان كمان
تفكّر..كيف تنوم تصحى الدُغش
تلزم سكونها .. وتنتشي
والليل يحِل ..ينزل يحوم ..
يشبع ...مشي
ويصبِح .. رفيقها
وسِر بقاها الأُكسجين
في لحظتها ..
لمسات حنانِك ..تعتريني
وشُحنات .. شجن .. من داخلي
تشرُد ..تعتريك
وأرقُد على شقي .. اليمين
واتنفسك ..
ويسبح ..هواك .. في الأورده
يحلِّق الحُب في المدى
أشكيلِك ..الهم العلي
تشكيلي ..عن كُل العليك
في ...لحظتها
بتلمّسِك ...
بتحسّسِك ...
في حالة ..شهيق .. أنا بتنفّسِك
وألفُظ الزفرات أنين
في كمونِك .. والسكون
أنا بشتهيك..
بشتهيك ...متوهِجه
يادُرة الزمن اللبد ..ولسه ما جا
بشتهيك .. أروع طقوس
عند الشُلُك ..عِند النوير
عِند .. الهدندوه .. والبِجا
لوحة .. عريس ..قايداهو عروس
بشتهيك .. عِز النهار
شان تنفضي ..ذرات غُبار
شان تمسحي لكآبة جات
بعد ..الأصيل
إتسلّقت .. وإتمدّدت جواي عديل
لبّست .. كل البلد جُلباب ..حُزُن
بشتهيك ... أجلس معاك
وأحضِن الناي .. العتيق
الكُنت ..ناسيهو ..
في ركُن .. مُظلِم ..زمن
وهو لِسّه ..حي قايلنو مات
والله ..حي حامِل معاو نفس السِمات
بشتهيك ...واعزِف على الأوتار نهار
لحن ..التوجُّه ..والمسار
وأظل مدوزِن للغُنا
حتين ..يطِل فجر الهنا
وقتين يصيح ..الدِك فجُر
يصدح يقول :
هديِك ..هديِك
جات الجميله المُثمره
وجات الوسيمه السّاحره
