الفاتح الحلاوي «ماخدة من النيل عذوبتك»

ماخده من النيل عذوبتك

والنخيل أداكي .....قامة
وطيبة الزول المزارعي
جسّدت فيك... إبتسامة

لونك الممزوج بسمرة
مرّه كان الطين بيداعبو
وقام وهب ليهو المسرّه

ومرّه ...مرّه
والجبل ..ما إسمو مرّه
تحتو بستان زاهي أخدر
مكسي ألوان و ألف زهره
والتبلدي الفي غربنا
ياما منو كتير شربنا
خزّن المويه و أسرّ
إنوإنتي عزيزة حرّه
شوفي داك توتيل
يتاوق في شرقنا

وليك بيقول مليون دبايوا
شوفيه كيف واقف اصرّ
والجنوب بكل خدارو
وكل جمالو وكل نضارو
شفناه عانق لشمالو
شفناه سلّم ليهو قُبلة
أنحنا ديل الجوة برّه

نحن لازم نرضى نقبل
إنو إنتي تكوني درّه
وتبقي حلوة وماكي مُرّه
شايلة من النيل عذوبتك
والنخيل أداكي ....قامة
وطيبة الزول المزارعي
جسّدت فيك ....إبتسامه