حسين شنقراي «يا ريتني»

ياريتني كنت النيل
أهيج عليك وأميل
ومن جمالك أشيل
وأشبع في القدم تقبيل
--------
ياريتني كنت الطرحه
علي الشعر منطرحه
خدود تموج بالفرحه
وقلوب تدوب منشرحه
---------
ياريتني ليك نضاره
من الحسود نتضاري
والعفه لينا ستاره
لمن تجيني زياره
---------
ياريتني ليكي النسمه
جوه الصدر منقسمه
تطير تداعب البسمه
وتشكل قلوب في رسمه
---------
ياريتني كنت نِعالك
دايس عليا ومالِك
إشيلك أعرف حالِك
وأقول يالاهيه بي مالِك
----------
ياريتني في الخرطوم
عيني تجافي النوم
أطوف في حواكِ أحوم
وحالف عن سِواكِ أصوم
----------
ياريت برانا نعيش
كاسينا الغمام تعريش
وبينا الخجل ما فيش
وتكوني الحضن والريش