محمد خير درو «زمن الفجيعة»

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • ضى القمر
    :: الاشراف والتنظيم ::

    • Jun 2010
    • 4263
    #1

    محمد خير درو «زمن الفجيعة»

    باكرنا نيل

    _الامين حبان


    باكر نفتش فيهو رايح زي شليل..
    باكر نتبن في الضلام..
    كايسنو في الليل الطويل..
    ***
    باكرنا يا رايح تعال
    يا بكرة طال الإنتظار
    بالرغم من إنك محال
    نحن الجبال والإحتمال
    ***
    نرجاك منتظرين ظهورك يا شحوح
    قاعدين نفتش فيك زي مليم يروح
    نلقاك في الروح الطموح
    لا تلوي هاماتنا الجموح
    ***
    يا ربي باكر في القمر
    ولا باكر..
    جوة في جوف السحابة مع المطر
    يا طالع القمرة جيب لي معاك باكر
    باكرا يصور لي لون الفيافي زهر
    لون الهويد والصي زي الجروف اخدر
    باكرا صباح الخير يطرد ليالي الشر
    ***
    لكنو رغم مرارة الأيام والأمل الضليل
    من جوة احساسنا الجميل
    باكرنا نيل..
    يطفح يدفق زي سبيل
    باكرنا نيل..
    والجزايل في الصعيد الخدرة واللون السمح
    باكرنا نيل..
    ويغازل العصفور قنيدلات القمح
    باكرنا نيل..
    والبرازات تاني ترجع والوجوه الطيبة تتضحك وتنطرح
    باكرنا نيل..
    وانا وانتو من قيساب نكيل
    وهناك في ضو القمر
    شفع يكوركو لقو الشليل




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..
    الكلمات الدلالية (Tags): لا يوجد
    • ضى القمر
      :: الاشراف والتنظيم ::

      • Jun 2010
      • 4263
      #2
      زمن الفجيعة
      محمد خير درو


      في زمن الفجيعة المر والحزن اللي ما محدود
      بنبكيـك يـا عمرنـا الـراح ويـا حلـم الصبـا المـؤود

      بندهلـك متـل مجنـون يعجبـو صـدا النـدا المـردود
      وكـم نـاداك غنايـا تعالـى أطلقـي مـن حياتـي قيـود
      وسأل كل الشوارع الصانى صوت غنواتـى ومافـى ردود
      فشكرا ًيا الوهبتـى حياتـي لـي سجـن الليالـي السـود
      وعفـواً يـا حبيبـة ولفنـا زمنـا لا صـدق لا عـهـود


      شـد يتلـك وتـر محـزون وغنيتلـك غنـا المغـلـوب
      غنا الـزول الوهبلـك روحـو فصلتيهـا طرحـة وتـوب
      ولسة مجـازاة بالهجـران وغالبـو مـن المحبـة يتـوب
      إلا غـنـانـا مـيـتـة قضـيـتـو فــــي زمـــن الـغـنــا الـمـجـلـوب
      وميتين نحنـا والأحـلام زمنـا طـال نـزوح وحـروب



      محـل مـا تمشـى قدامـك مدايـن مـن خـراب ووهـم
      مناعتـا بالحـزن مشلولـة نايمـى علـى وسـادة هــم
      حتسلـب منـك العفـة وتنادمـك بـي كـؤوس الـسـم
      وأنـا الواقـف علـى بابـك كلـى جـراح وبـنـزف دم
      مشتـت ذي رمــاد أحـلامـي لآب يتلـمـة لا بنتـلـم

      والأهداك جواز للهجـرة وهـدب شوقـي قبـل خطـاي
      ما عارفك موطنة في صدف روحي ومسكنة في خلايا دماي
      ولا عارفـك دخلتـي قبيـل مـع شهقـة نفـس جــواي
      ومنو القاليك حتطلعى منـى إذا هجـرت خطـاك دنيـاي
      حتطلعى كيف أنا الحاسك توزعـي دمـى لـي اعضـاى

      ***
      مهمـا تكونـي مـا انسانـة يبقـى خيـالـك الإنـسـان
      مذكـر صبايـا الـراح وعمـرى الواهبـو ليـك قربـان
      يآنسنـى الليالـى السـود ويمسـح دمعة الاحــزان
      يقاسمنـى الـولـه والـشـوق ونتـفـارق مــع الاذان
      وكان بدلك بجازينـى وجـزا الاحسـان بقولـو احسـان

      واقف فوق رماد احلامـى فـى حـالا رهيـب وعصيـب
      أبالـغ فـى غنايـا عليـك كـان بـيـودى ولا يجـيـب
      غنايـا تبكـى فيـه الـروح لامـن تسمعيـلـو نحـيـب
      غنا الـزول القنـع منـك راجـى شمـس حياتـو تغيـب
      سمع صوتك يقولو خلاص مـا ليـك فـى تانـى نصيـب

      شكراً ليك خـلاص روحـى ولا بتتوصـى قلبـى معـاك
      ذى ماسقاكـى دمـو قبيـل عطشـان اسقـى لـو همـاك
      سكتى من بكا المسموع عشـان مـا يفضحـك فـى لقـاك
      فسحى فى مدايـن الشـوق احفظـى ذكـرة فـى جـواك
      تبقـى الذكـرى ذى تاريـخ مهمـا تكـون حياتـى وراك




      لِن أغيّــر مَــن نفسـِـي
      لأجٍـل أي شخـِص
      ولـن أعبِــث بشخِصيتـي لآرضّي الاخريـِن
      أنَ لِـم تعِجبـك شخصيتـي!!
      ليِست مشكّلتــي فغـِــيرك يعشقهــَــا..

        تعليق

        السابق template التالي
        يعمل...