تويت
قاسم عثمان بريمة شيخ شعراء كردفان
إإتلق البرق ووتقاطرت السحب متقاربة متباعدة كأنها زوارق تائهة ، وتعطر الوادي بأريج الدعاش ورفعت الفتاة رأسها في بشر وحبور وهي تناجي تلك الروعة التي رسمتها يد الخريف
نشم دعاشا نتكرف
ونطرى ناسا نتشرف
مدام برقها شال طرف
قطع شك الأبيض خرف
وهكذا إستبشرو بقدوم الخريف وينسجون علي نوله الآمال ، الحديث عن كردفان شيق وعذب وطويل فلنتجول معاً في مراعيها الشاسعة الزاخرة بماشيتها و رعاتها ، المكتظة أبداً بخيراتها ونعيمها ، سترونها الآن وقد وشاها السعد وانبسط علي سهولها النعيم
يا حليل كردفان وكتين تدودي رعودا:
ويموج السحاب وأطيارة تعزف عودا
يتبلبل نسيمة يشرح ليك معاني سعودا
وتبين عروس بالهناء والنعيم موعودا
ما إنفج السحاب إلا تاني عب وشيل
زرف دماعو فض جفونو زرق ونيل
في تل رمالا زي برادة الدهب يتخيل
ليالي شهرزاد ويشرق صباحا الهادي
ينبثق الضياء وتغرد طيور الوادي
لحظات والسحاب يغطيها وتطير متسادي
وتضلم من جديد وتولع بالعبادي
العينة تلو العينة لما جاتنا الطرفة
كالت بالكتير عيون السحاب منزرفة
ناساً في الخلا متلفحين بالقرفة
وناساً في المدن ممطرين في غرفة
أخذت زينتة ورحلنا شفنا بهاها
نسجت كل جميل إتوشحتبو رداها
ألوان خضرتا المعكوسة في أمواها
زادت روعتا يا قدرت السواها
الخور بي صعيده خر ولمع حصحاصو
والصيد إنتشى ما إتفادى جور قناصو
متحدي أهل الكلاب والجاي بي رصاصو
في كنف الإله تالي سورة إخلاصو
جمالا القارضة لي عنان الفروع تتشابا
زاهية خرافة تمرح راتعة في أعشابا
إن ذكرو الجنان نحنا نتفاشابا
خزانا التبلدي وآمالنا جوه هشابا
خلاص دارت وإتنوعت خيراتا
صبحت لوحة كاملا إترابطت فقراتا
بي نقيق قعونجة وجنادبا الزغراتا
ملت أعماقنا فرحة وعسنا في مسراتا
لالوبا العسل البيحكو بيهو حكاوي
مرصوص غابة جمب ناس عربي حاج مكاوي
طايلة فروعو لي نخل الشمال بتكاوي
أحلي من العجوة بي كتير وأغلد من البركاوي
لمينا الحصاد وفركنا الورق بي الويكة
السمسم إنظلت الجربة والتمليكة
في بنك السعادة وأيامنا صرفت شيكة
هبيلا إتهابلت قندولا سرف الريكة
العيش إندفق ضروهو بعد إندق
مردوم بي الصبر لي عمل اللقم والدقة
العنكوليب زرف الفص طويل ومنقة
بالغ يا السدر النبقاية توزن وقة
وإن مريت بي أب جهل والله نعم السوق
تلقي الجرمتي والسبلي داك مسلوق
سورني قنقليس والدكوة والهالوق
والبامية أم قرون البتخلي الملاح لايوق
أنا كردفان منو البقيف في قصادي
أنا رباية اليتيم وآواية الجياع والصادي
أنا ست عز قديم أنا كعبة لي قصادي
مرفوع راسي عالي ومفتخرة بي أولادي
البذلو كل نفيس في رفعتي وإسعادي
مليون مئذنة ومليون آذان بينادي
ومدارس بالكتير ومعاهد علم ونوادي
أنا كردفان أجمل بقاع الوادي
إإتلق البرق ووتقاطرت السحب متقاربة متباعدة كأنها زوارق تائهة ، وتعطر الوادي بأريج الدعاش ورفعت الفتاة رأسها في بشر وحبور وهي تناجي تلك الروعة التي رسمتها يد الخريف
نشم دعاشا نتكرف
ونطرى ناسا نتشرف
مدام برقها شال طرف
قطع شك الأبيض خرف
وهكذا إستبشرو بقدوم الخريف وينسجون علي نوله الآمال ، الحديث عن كردفان شيق وعذب وطويل فلنتجول معاً في مراعيها الشاسعة الزاخرة بماشيتها و رعاتها ، المكتظة أبداً بخيراتها ونعيمها ، سترونها الآن وقد وشاها السعد وانبسط علي سهولها النعيم
يا حليل كردفان وكتين تدودي رعودا:
ويموج السحاب وأطيارة تعزف عودا
يتبلبل نسيمة يشرح ليك معاني سعودا
وتبين عروس بالهناء والنعيم موعودا
ما إنفج السحاب إلا تاني عب وشيل
زرف دماعو فض جفونو زرق ونيل
في تل رمالا زي برادة الدهب يتخيل
ليالي شهرزاد ويشرق صباحا الهادي
ينبثق الضياء وتغرد طيور الوادي
لحظات والسحاب يغطيها وتطير متسادي
وتضلم من جديد وتولع بالعبادي
العينة تلو العينة لما جاتنا الطرفة
كالت بالكتير عيون السحاب منزرفة
ناساً في الخلا متلفحين بالقرفة
وناساً في المدن ممطرين في غرفة
أخذت زينتة ورحلنا شفنا بهاها
نسجت كل جميل إتوشحتبو رداها
ألوان خضرتا المعكوسة في أمواها
زادت روعتا يا قدرت السواها
الخور بي صعيده خر ولمع حصحاصو
والصيد إنتشى ما إتفادى جور قناصو
متحدي أهل الكلاب والجاي بي رصاصو
في كنف الإله تالي سورة إخلاصو
جمالا القارضة لي عنان الفروع تتشابا
زاهية خرافة تمرح راتعة في أعشابا
إن ذكرو الجنان نحنا نتفاشابا
خزانا التبلدي وآمالنا جوه هشابا
خلاص دارت وإتنوعت خيراتا
صبحت لوحة كاملا إترابطت فقراتا
بي نقيق قعونجة وجنادبا الزغراتا
ملت أعماقنا فرحة وعسنا في مسراتا
لالوبا العسل البيحكو بيهو حكاوي
مرصوص غابة جمب ناس عربي حاج مكاوي
طايلة فروعو لي نخل الشمال بتكاوي
أحلي من العجوة بي كتير وأغلد من البركاوي
لمينا الحصاد وفركنا الورق بي الويكة
السمسم إنظلت الجربة والتمليكة
في بنك السعادة وأيامنا صرفت شيكة
هبيلا إتهابلت قندولا سرف الريكة
العيش إندفق ضروهو بعد إندق
مردوم بي الصبر لي عمل اللقم والدقة
العنكوليب زرف الفص طويل ومنقة
بالغ يا السدر النبقاية توزن وقة
وإن مريت بي أب جهل والله نعم السوق
تلقي الجرمتي والسبلي داك مسلوق
سورني قنقليس والدكوة والهالوق
والبامية أم قرون البتخلي الملاح لايوق
أنا كردفان منو البقيف في قصادي
أنا رباية اليتيم وآواية الجياع والصادي
أنا ست عز قديم أنا كعبة لي قصادي
مرفوع راسي عالي ومفتخرة بي أولادي
البذلو كل نفيس في رفعتي وإسعادي
مليون مئذنة ومليون آذان بينادي
ومدارس بالكتير ومعاهد علم ونوادي
أنا كردفان أجمل بقاع الوادي
تعليق