شعر حلمنتيش «سيد اللبن والسمحة»

سيد اللبن شدا الحمار شايل تمينتو للحله جا
شاف السميحه متحنكشه متمكيجه وآخر حلاة
عمك خلاص تب انبهر وقال دا الملك ولا القمر
صاحبنا بقي يكلم في نفسو لكن قمر عز النهار
وبهناك سمية وانتصار يصيحن سيد اللبن اللبن هيي تعال
ادينا رطل كان رطلين وما تنسي تزيدو حبتين
لكن دا وين! اخوانا دا في دنيا تانيه ما جايب خبر
وما قادر يعبر للسميحه الحلوة ديك
فجاءة الحمار فنجط وسيد اللبن وقع الأرض
وحتي اللبن ما ليه أثر
صاحبنا داك قام انتفض والسمحه قامت اتبسمت
بس ما انتعض! قال للحمار اديني رفسه رفستين
كان القمر دا اضحك ضحكتين ويفكها شويتين
شوف العجيب!!صاحبنا قال للسمحه:
انا برضو بياع لبن لكني بمتلك المشاعر والاحاسيس والشجن
رأيك شنو؟؟
السمحه وقفت شويه واخدت نفس ممكون حقد
وقالتلو انت مسطول ولا اهبل انت عيان ولا اشتر
وانا مالي بيك!؟ شوف ليك تمينه تمينتين
جيب اللبن وانسي الحصل