من ديوان ود الرضي - تنبيه الغافلين { كِتِرْ الجَّفَا }

كِتِرْ الجَّفَا

كِتِرْ الجَّفَا فِي المَلاَ
والبَّاطِنْ بَالغِّيطْ إتْمَلاَ
يَا كَافِي تَكْافِي البَلاَ

وَحَلْنَا بَاطِنَاُ إنْكَلاَ221
وأعْضَانَاً الحَسَسْ مَاكِلَه
البَعْرَفْ النَّصِيْحَة بَقَى يَبْخَلَه
إنْ شَاء الله دِي حَالْ الخَلاَ

أخُوكْ ظَوَاهْرُه يَجْمِّلَه
وهُو العَدَاوَة مُكَمْلِه
تَجَدْ الفِيْه مُأْمَّلَه
كِضِبْ سَاكِتْ عَامِلَه

رَاحْ الصِّدِقْ والصَّفَا
وللعُهُودْ مَافِيشْ وفَا
جَانَا البُغُضْ والجَفَا
المِحْنَة وعَضْ الشِّفَا

الصَّدِيقْ الصَّادِقْ فَجَرْ
والصّواتَة بِقَتْ التَّجُرْ
التَّظُنُه حَنِينْ لَيكْ هَجَرْ
بَى كَبَّدًا زَي الحَجَرْ


الوَجِيعْ بَقَى هُو الوَجَعْ
إذَا أسَاءَكْ قَطْ مَا رَجَعْ
بَيْنَاتْكُمْ نَسْنَاساً سَجَعْ222
مَوْصُلْ قَطْ مَا هَجَعْ

رُوحُه تَزِيدْ فِي مُكُرَه
حَسَنْتَكْ مَا بِفَكُرَه
فَايْدَتَكْ مَا بِذْكُرَه
قَرَابْتَكْ يَقَرِّبْ يِنْكُرَه

النَّنُوحْ والتَّجْرِي الدِّمُوعْ
والنَّوِحْ وأكْبَادْنَا التَمُوعْ
بَقْى الوَلَدْ مِنْ الوَالْدِينْ قَنُوعْ
يَتْخَلَّقْ بَى ألَّفِ نُوعْ

الفَوَايِدْ فُوقْ شَلْوَحَنْ 322
وشَقِيْقَكْ مَا قَلْبُه حَنْ
كُلْ فَؤَادْ بَالكَعَبْ إنْشَحَنْ
يَا الرَّسُولْ مِنْ زَمَنْ المِحَنْ
------------------------------------------
إنكلا: إنتهى.. كلا: إنتهى.
سجع: نطق بكلام مقفى.. غنى.
شلوحن: غرَّبن.. شلوح: غرَّب.