تويت
أبناء الجِّرَيفْ الغَرْبِي
سَّلاَمْ الله عَلِيكُمْ يَارِّجَالْ الثَّوَرَة بَالعَمَلْ المُشْرِّفْ سَتَرْتُوا لَينَا العَورَة
شَرَارَة بَأسَكُمْ لَهْبَتْ فِى أخْرَ الذَّوَرَة اسْتِقْلاَلَنَا لَولاَهَا إنْزَلَقْ فِى هُوْرَة
طِبْتُمْ فَاسْلَمُوا وزَمَانْنَا بَيكُمْ طَابْ ياَحَامِى الوَطَنْ والزَادَرُوكْ أقْطَابْ
وَافِينْ بَالعُهُودْ وَاهْبِينْ لَكُلْ خِطَابْ طَولَتُمْ لِسَانْ الشُّعَرَاءْ والخُطَّابْ
الاحْزَابْ عَلَى ضِيعَتْنَا عَرَكُوا الرَّاحَه أدْمُوهَا القُلُوبْ كُلْ يُومْ يَزِيدُو جِرَاحَه
حِمَايَة الثَّورَة جَاتْ زَالَتْ الوَحَلْ بَالرَّاحَه زَى لَّيلَة القَدَرْ نُمْنَا وصِيحِنَا فَرَاحَه
رِجَالْ الثَّورَة اهْلاً بَالأيَادِى الطَايْلَه رِجَالْ الثَّورَة قَشِّيتُوا الدِّمُوعْ السَايْلَه
رِجَالْ الثَّورَة فَرَّحَتُوا الرِّجَالْ والعَايْلَه والتِّيجَانْ سَلاسَلْ عَلَى كُتُوفْكُمْ خَايْلَه
رِجَالْ الثَّورَة نَوْمَتُوا الضَّمِيرْ السَّاهِرْ رِجَالْ الثَّورَة ذَلِّتُوه الفَسَادْ الظَّاهِرْ
رِجَالْ الثَّورَة أنَا بَى ثَنَاكُمْ أجَاهِرْ نَورَتُوا الظَّلاَمْ زَى بَدْرَ الدُّجَنَه الزَاهِرْ
أزَلْتُمْ الجَفْوَه والأوْهَامْ والإِرْهَابْ ثَنَاكُمْ يَلْهَجُوا بَه النَّاسْ إيَابْ وذَّهَابْ
عَبُودْ دُمْتَ مَيْمُونْ النَقِيبَه مُهَابْ إسْمَكْ ذُكِرْ فِى رَجِمْ الأبَالْسَه شِهَابْ
الشَّعَبْ إسْتَرَاحْ مِنْ بَيعْ ضَمِيرْ وعَذَابْ والأمَنْ إسَتْتَبْ وزَالْتَ الأحْزَابْ
إجْتَمَعْ الشَّعَبْ فِى حُبَّكْ حَيثْ العَدَلْ حَزَّابْ وانْدَكَّتْ صِرُوخْ الفِتْنَه والأكَذَابْ
كُنَّا ثَلاَثَة أحْزَابْ فِى أُسَرْ وَاحْدَه كُنَّا فِى تَالِيمْ زِلْتُمْ الإنْفِعَالْ هَيَأتُو لَينَا اللِّيمْ
وعُمَرْتُوا وَطَنْ الجُدُودْ إقْلِيمْ بَعْدَ إقْلِيمْ وانْبَسَطْ الغَرَبْ بَالمُويَه والتَّعْلِيمْ
رَوقْتُونَا كُنَّا كَذَا الكِّلاَبْ نَتْنَابَحْ كُنَّا مَعَ الشَّرِيفْ ومَعَ العَظِيمْ نَتْقَابَحْ
لاحَيَا ولا أدَبْ فِى بِحُورْ وَهَمْ نَتْسَابَحْ الله لاعَادْ تِلْكَ البَشَعَه مَا بِتَتْصَابَحْ
الأُمْ والأبْ والأبْنَاءْ دَوَامْ فِى نِضَالْ والشَّافِعْ يَقُولْ لَى أبُوهُ إنْتَ الضَّالْ
إنْفَشَا فِينَا دَاءاً وَبِّيلْ وعُضَّالْ الله يَرِيحْ ضَمِيرَكْ يَاسِيدِى المِفْضَالْ
الأمْوَالْ مُبَعْثَرَه والحَقِيرْ بَتْحَسَّرْ والشَّبَابْ مِنْ تَافَه واللَّبِيبْ بَتْحَسِّرْ
إلَي أنْ هَمْ فَارِسْنَا واسْودَنَا الكَسَرْ فَاذِا الثَّورَة ثَرَّوَه والعَسِيرْ إتْيَسَرْ
مِنْ الغَوْغَاءْ اضْحَى الكُونْ مَأمَنْ صَانْ والرَّخَا انْبَلَجْ واتْحَكَمْ الاحْصَانْ
اسْتِقْلاَلَنَا أصْبَحْ بَى رِجَالُه مُصَانْ لاحَزَيْبُه ولا فَدْرِيشِنْ لاجَمَلْ لاحُصَانْ1
جُنْدِينَا المُنَصَّرْ أرْجُو رَبِّى يَعِينَه فِى المَيْدَانْ بَشُوقْ الفِيلْ صَغِيرْ فِى عَينَه
يَقْدِمْ كَالأسَدْ زَى الجَّمْرَ فَصْ عَينَه كَالسَّيلْ العَرِمْ وَطَنِّيَه قُوَّةَ تَعِينَه2
رِجَالْ الثَّورَة نَوَّمُوا عَينَنَا مَسَحُوا عَرَقْنَا أمْعَنُوا شَافُوا لَهَبْ البَرْلَمَانْ حَرَقْنَا
رَسَمُوا الخُّطَه هَجَمُوا الخُّطَه نَشْلُوا عَرقْنَا مَدُّو لَينَا يَدْ مُوسَى الكَلِيمْ ومَرَقْنَا
عُقْبَانْ لاتَهْمِلُونَا لَى المُلاَعِبْ الفَاتِنْ بَعْدَ أبَصْرَنَا نَعْماً ونَعُودْ عُقُبْ ونَتْفَاتَنْ
مَابَرْضَاهَا حُرْ تِلْكَ البِشِعْ دِيكْ ذَاتِنْ يَتْمَنَى الزُّولْ يَمُوتْ وقُلُوبْنَا فِعْلاً مَاتَنْ
الأقْنَعَتْ الجَنُوبِى مِنْ البَدُورَه كَفَايَه نَحْنَ أبْنَاءْ وَطَنْ أحْبَابْ أشَقَاءْ وَقَايَه
مَنَّه إلَى صَفَاهُ مِنِّى لَيه صَفَايَا فالتَحْيَا وتَسْلَمْ أيْدَكْ الرَّفَايَه
تَعَالُوا كَمَانْ شُوفُوا عَهْدَكُمْ المُهْمَة السَاهَا سَوْدَنَتْ الكَنَايسْ صَاحِي لاتَنْسَاهَا
مَنَاطَقْ اتْبَحْبَحَتْ بَعْد الضَّرَرْ مَسَّاهَا بَعْد مَا كُنَّا قُلْنَا يَهُونَه القَسَّاهَا
الاسْلَمْ كَتِيرْ كُلْ الجَنُوبِى الفَاهَمْ عَرَفْ الحَقْ وعَرَفْ الكَانْ مُضَلَلْ وَاهِمْ
ورَئيِسَنْا رَئِيسْ عَشَاكْ مَا هُوْ النَّفُورْ الْقَاهُمْ دَا مَا يَشُوفْ قُرْحَه يَخُتْ عَلَيهَا مَرَاهِمْ
حَمْدَاً لَكْ يَارَبِّي المُّنِّ القَلِقْ ارَتْحَنَا وكُلْ يُومْ الاذَاعَة بَأخْبَارْ سُّرُورْ تَفْرِحْنَا
تَعْمِيرْ ومَشَارِيعْ وبَعْدَ ذَلِكْ نِحْنَا مَابَنَقْبَلْ بَدِيلْ الله يَكِّفْ المَحَنَّا
ومَئَاتْ المَدَارِسْ والخِّزْنَه العِمُومْ مَلْيَانَه بَعْدَ يَا ابْنِى مَاكَانْتَ قَبِيلْ خَلْيَانَه
وبَينْنَا وبَينْ مَصِرْ طَعَنْ الجُّفَوه فِى شَرْيَانَه وكُلْ جُرُوحْ مَغْمُورَه أصْبَحَتْ بَرْيَانَه
عَبُودْ فَلْتَعِشْ دَمْ مُطْمَئِنْ لِعُلاَهَا زُرْتَ وَطَنَكْ السَّهْرَانْ دَوَامْ لَعُلاَهَا
شَرَّفْتَ الجِّرَيفْ بَزِيَارَة مَاأعْظَمَه واغْلاَهَا ورُبُوعْ الجِّرَيفْ ضَاءَتْ رُبُوعَه خَلاَهَا
كَانْتَ فَوضَى كَارْثَه وكُنَّا فِى تَعْذِيبْ والبَهَمْ البَعَامِى حَاوَلْ يَنَاطِحْ الذِّيبْ
نَاسِى النَّاسْ ونَاسِى الله لاحَشَّمَه لاتَهْذِيبْ نَاسِى لَقَدَرُو نَاسِى مَضَابِطْ التَكْذِيبْ
لَزِيَارَة الرَّئِيسْ دَقُوا النِّحَاسْ الحَرْبِي يَاجَوْ هَاتْ نَسِيمَكْ ويَانُفُوسْ انْطَرَّبِي
افْخَرُوا ثُمْ فَاخِرُوا يَا نَّاسْ الجِّرَيفْ الغَرْبِي بَزِيَارَة الرَّئِيسْ والمِنُّو ذَاتْ الغَرْبِي
الحَمْدُ لله وَلَدْنَا كَتْرَنَا وهَادِى قُرَانَا مَا مَاسْعَانَا يَامَلْجَانَا مَأمَلْنَا العَلِيكْ مَسْعَانَا
ضِّيقْ السُّكْنَة هُو الفِى الحَقِيقَة دَعَانَا نَتْمَثَّلْ أمَامَكْ بَحِيثْ انَّكْ بَتَرْعَانَا
يَامُنْقِذْنَا بَعْدَ الإتْسَاعْ لَدِيَارْنَا رَصَفْ الشَّارِعْ فِى زَمَنْ الخَرِيفْ لَخَدَارْنَا
يَاحَامِينَا يَا العِنْدَكْ رَفِيعْ مِقْدَارَنَا نِحْنَ ضُعَافْ وهَاهِى نَوضْحَه أعْذَارَنَا
--------------------------------------------------------------
جمل: يقصد به تمثال كتشنر.
حصان: يقصد به تمثال غردون رمز الإستعمار.
السيل العرم: السيل الذي إجتاح اليمن ودك مدنها.
سَّلاَمْ الله عَلِيكُمْ يَارِّجَالْ الثَّوَرَة بَالعَمَلْ المُشْرِّفْ سَتَرْتُوا لَينَا العَورَة
شَرَارَة بَأسَكُمْ لَهْبَتْ فِى أخْرَ الذَّوَرَة اسْتِقْلاَلَنَا لَولاَهَا إنْزَلَقْ فِى هُوْرَة
طِبْتُمْ فَاسْلَمُوا وزَمَانْنَا بَيكُمْ طَابْ ياَحَامِى الوَطَنْ والزَادَرُوكْ أقْطَابْ
وَافِينْ بَالعُهُودْ وَاهْبِينْ لَكُلْ خِطَابْ طَولَتُمْ لِسَانْ الشُّعَرَاءْ والخُطَّابْ
الاحْزَابْ عَلَى ضِيعَتْنَا عَرَكُوا الرَّاحَه أدْمُوهَا القُلُوبْ كُلْ يُومْ يَزِيدُو جِرَاحَه
حِمَايَة الثَّورَة جَاتْ زَالَتْ الوَحَلْ بَالرَّاحَه زَى لَّيلَة القَدَرْ نُمْنَا وصِيحِنَا فَرَاحَه
رِجَالْ الثَّورَة اهْلاً بَالأيَادِى الطَايْلَه رِجَالْ الثَّورَة قَشِّيتُوا الدِّمُوعْ السَايْلَه
رِجَالْ الثَّورَة فَرَّحَتُوا الرِّجَالْ والعَايْلَه والتِّيجَانْ سَلاسَلْ عَلَى كُتُوفْكُمْ خَايْلَه
رِجَالْ الثَّورَة نَوْمَتُوا الضَّمِيرْ السَّاهِرْ رِجَالْ الثَّورَة ذَلِّتُوه الفَسَادْ الظَّاهِرْ
رِجَالْ الثَّورَة أنَا بَى ثَنَاكُمْ أجَاهِرْ نَورَتُوا الظَّلاَمْ زَى بَدْرَ الدُّجَنَه الزَاهِرْ
أزَلْتُمْ الجَفْوَه والأوْهَامْ والإِرْهَابْ ثَنَاكُمْ يَلْهَجُوا بَه النَّاسْ إيَابْ وذَّهَابْ
عَبُودْ دُمْتَ مَيْمُونْ النَقِيبَه مُهَابْ إسْمَكْ ذُكِرْ فِى رَجِمْ الأبَالْسَه شِهَابْ
الشَّعَبْ إسْتَرَاحْ مِنْ بَيعْ ضَمِيرْ وعَذَابْ والأمَنْ إسَتْتَبْ وزَالْتَ الأحْزَابْ
إجْتَمَعْ الشَّعَبْ فِى حُبَّكْ حَيثْ العَدَلْ حَزَّابْ وانْدَكَّتْ صِرُوخْ الفِتْنَه والأكَذَابْ
كُنَّا ثَلاَثَة أحْزَابْ فِى أُسَرْ وَاحْدَه كُنَّا فِى تَالِيمْ زِلْتُمْ الإنْفِعَالْ هَيَأتُو لَينَا اللِّيمْ
وعُمَرْتُوا وَطَنْ الجُدُودْ إقْلِيمْ بَعْدَ إقْلِيمْ وانْبَسَطْ الغَرَبْ بَالمُويَه والتَّعْلِيمْ
رَوقْتُونَا كُنَّا كَذَا الكِّلاَبْ نَتْنَابَحْ كُنَّا مَعَ الشَّرِيفْ ومَعَ العَظِيمْ نَتْقَابَحْ
لاحَيَا ولا أدَبْ فِى بِحُورْ وَهَمْ نَتْسَابَحْ الله لاعَادْ تِلْكَ البَشَعَه مَا بِتَتْصَابَحْ
الأُمْ والأبْ والأبْنَاءْ دَوَامْ فِى نِضَالْ والشَّافِعْ يَقُولْ لَى أبُوهُ إنْتَ الضَّالْ
إنْفَشَا فِينَا دَاءاً وَبِّيلْ وعُضَّالْ الله يَرِيحْ ضَمِيرَكْ يَاسِيدِى المِفْضَالْ
الأمْوَالْ مُبَعْثَرَه والحَقِيرْ بَتْحَسَّرْ والشَّبَابْ مِنْ تَافَه واللَّبِيبْ بَتْحَسِّرْ
إلَي أنْ هَمْ فَارِسْنَا واسْودَنَا الكَسَرْ فَاذِا الثَّورَة ثَرَّوَه والعَسِيرْ إتْيَسَرْ
مِنْ الغَوْغَاءْ اضْحَى الكُونْ مَأمَنْ صَانْ والرَّخَا انْبَلَجْ واتْحَكَمْ الاحْصَانْ
اسْتِقْلاَلَنَا أصْبَحْ بَى رِجَالُه مُصَانْ لاحَزَيْبُه ولا فَدْرِيشِنْ لاجَمَلْ لاحُصَانْ1
جُنْدِينَا المُنَصَّرْ أرْجُو رَبِّى يَعِينَه فِى المَيْدَانْ بَشُوقْ الفِيلْ صَغِيرْ فِى عَينَه
يَقْدِمْ كَالأسَدْ زَى الجَّمْرَ فَصْ عَينَه كَالسَّيلْ العَرِمْ وَطَنِّيَه قُوَّةَ تَعِينَه2
رِجَالْ الثَّورَة نَوَّمُوا عَينَنَا مَسَحُوا عَرَقْنَا أمْعَنُوا شَافُوا لَهَبْ البَرْلَمَانْ حَرَقْنَا
رَسَمُوا الخُّطَه هَجَمُوا الخُّطَه نَشْلُوا عَرقْنَا مَدُّو لَينَا يَدْ مُوسَى الكَلِيمْ ومَرَقْنَا
عُقْبَانْ لاتَهْمِلُونَا لَى المُلاَعِبْ الفَاتِنْ بَعْدَ أبَصْرَنَا نَعْماً ونَعُودْ عُقُبْ ونَتْفَاتَنْ
مَابَرْضَاهَا حُرْ تِلْكَ البِشِعْ دِيكْ ذَاتِنْ يَتْمَنَى الزُّولْ يَمُوتْ وقُلُوبْنَا فِعْلاً مَاتَنْ
الأقْنَعَتْ الجَنُوبِى مِنْ البَدُورَه كَفَايَه نَحْنَ أبْنَاءْ وَطَنْ أحْبَابْ أشَقَاءْ وَقَايَه
مَنَّه إلَى صَفَاهُ مِنِّى لَيه صَفَايَا فالتَحْيَا وتَسْلَمْ أيْدَكْ الرَّفَايَه
تَعَالُوا كَمَانْ شُوفُوا عَهْدَكُمْ المُهْمَة السَاهَا سَوْدَنَتْ الكَنَايسْ صَاحِي لاتَنْسَاهَا
مَنَاطَقْ اتْبَحْبَحَتْ بَعْد الضَّرَرْ مَسَّاهَا بَعْد مَا كُنَّا قُلْنَا يَهُونَه القَسَّاهَا
الاسْلَمْ كَتِيرْ كُلْ الجَنُوبِى الفَاهَمْ عَرَفْ الحَقْ وعَرَفْ الكَانْ مُضَلَلْ وَاهِمْ
ورَئيِسَنْا رَئِيسْ عَشَاكْ مَا هُوْ النَّفُورْ الْقَاهُمْ دَا مَا يَشُوفْ قُرْحَه يَخُتْ عَلَيهَا مَرَاهِمْ
حَمْدَاً لَكْ يَارَبِّي المُّنِّ القَلِقْ ارَتْحَنَا وكُلْ يُومْ الاذَاعَة بَأخْبَارْ سُّرُورْ تَفْرِحْنَا
تَعْمِيرْ ومَشَارِيعْ وبَعْدَ ذَلِكْ نِحْنَا مَابَنَقْبَلْ بَدِيلْ الله يَكِّفْ المَحَنَّا
ومَئَاتْ المَدَارِسْ والخِّزْنَه العِمُومْ مَلْيَانَه بَعْدَ يَا ابْنِى مَاكَانْتَ قَبِيلْ خَلْيَانَه
وبَينْنَا وبَينْ مَصِرْ طَعَنْ الجُّفَوه فِى شَرْيَانَه وكُلْ جُرُوحْ مَغْمُورَه أصْبَحَتْ بَرْيَانَه
عَبُودْ فَلْتَعِشْ دَمْ مُطْمَئِنْ لِعُلاَهَا زُرْتَ وَطَنَكْ السَّهْرَانْ دَوَامْ لَعُلاَهَا
شَرَّفْتَ الجِّرَيفْ بَزِيَارَة مَاأعْظَمَه واغْلاَهَا ورُبُوعْ الجِّرَيفْ ضَاءَتْ رُبُوعَه خَلاَهَا
كَانْتَ فَوضَى كَارْثَه وكُنَّا فِى تَعْذِيبْ والبَهَمْ البَعَامِى حَاوَلْ يَنَاطِحْ الذِّيبْ
نَاسِى النَّاسْ ونَاسِى الله لاحَشَّمَه لاتَهْذِيبْ نَاسِى لَقَدَرُو نَاسِى مَضَابِطْ التَكْذِيبْ
لَزِيَارَة الرَّئِيسْ دَقُوا النِّحَاسْ الحَرْبِي يَاجَوْ هَاتْ نَسِيمَكْ ويَانُفُوسْ انْطَرَّبِي
افْخَرُوا ثُمْ فَاخِرُوا يَا نَّاسْ الجِّرَيفْ الغَرْبِي بَزِيَارَة الرَّئِيسْ والمِنُّو ذَاتْ الغَرْبِي
الحَمْدُ لله وَلَدْنَا كَتْرَنَا وهَادِى قُرَانَا مَا مَاسْعَانَا يَامَلْجَانَا مَأمَلْنَا العَلِيكْ مَسْعَانَا
ضِّيقْ السُّكْنَة هُو الفِى الحَقِيقَة دَعَانَا نَتْمَثَّلْ أمَامَكْ بَحِيثْ انَّكْ بَتَرْعَانَا
يَامُنْقِذْنَا بَعْدَ الإتْسَاعْ لَدِيَارْنَا رَصَفْ الشَّارِعْ فِى زَمَنْ الخَرِيفْ لَخَدَارْنَا
يَاحَامِينَا يَا العِنْدَكْ رَفِيعْ مِقْدَارَنَا نِحْنَ ضُعَافْ وهَاهِى نَوضْحَه أعْذَارَنَا
--------------------------------------------------------------
جمل: يقصد به تمثال كتشنر.
حصان: يقصد به تمثال غردون رمز الإستعمار.
السيل العرم: السيل الذي إجتاح اليمن ودك مدنها.
