تويت
أبْعَد مِنَّهِنِ
أبْعَد مِنَّهِنِ حَتَّى الشَّرِيطْ كَمَّلْتُو
زَاقَنْ مِنِّى فُرْصَة كُل مَا أمَّلْتُو
التَّعَبْ الشَّدِيدْ كَابَدْتُو واتْحَمَّلْتُو
مَعَنَى حَيَاتِى وا أسفاً عَلَى هَمَّلْتُو
مَالَكْ يَازَمَنْ صَبْرِى العَظِيمْ كَمَّلْتُو
سِرْكِى تَأسُّفِى أمْضَيتْ عَليه وفَرْمَلْتُو
زِنْدِى عَلَى قَفَاىْ مِمَّا أرُومْ زَمَّلْتُو
أجْمَعْ شَمْلِى بَيهِنْ مَعَناهُ يا الجَّمَّلْتُو
رَبَّنَا بَالجَّمَالْ يَانُورْ عِيُونِى أبَاحِكْ
فُوقْ لَكِفَايَتِكْ يَا البَاسِمِكْ مِصْبَاحِكْ
مُنْذ رَأيتَه لَى تَارِيخُه بَاسِمْ وضَاحِكْ
حَتَّى يُخَالَ لَىْ كُلَّ شَيْئاً ضَاحِكْ
مَا أحْكَمِكِ رَاعْيَه ومَا أوْعَاكْ دَلِيلَه
مَا أذْكَاكِى نَقْشَه كالنَّسْمَه العَلِيلَه
ماأشْهَاكِ غَانْيَه ومَا أحْلاَك حَلِيلَه
فِى الوَهْجِ المُحَرِّقْ كالرُّوضَة البَلِيلَه
إذَا إنْهَتَكْ عَلىِ شَانْ شَانْ
لَهُ عِنْدَ كُلَّ ذُوْ شَانْ شَانْ
مُهَذَّبْ لَهْجُو مَا شَانْ شَانْ
عَسَلْ مِنْ شِنُّو شَنْ الشَانْ
يُومْ الأحَدْ الحَدْدُو
مَرْضَانْ عَشُوقِكْ مَدْدُو
مَرْ الحَنَاضِلْ كَضْضُو
فُوقْ إيْدَه خَايِلَه الفَضْضُو
كان حدثتي ما بتشني
تشبهي الفي الخزن مشني
حبك في الفؤاد طارشني
يا بنية الحكاية شني
مالي كان جنيت مالي كان طرش
مالي كان مرق شايل البرش
ياأخي كالموج الطامح برش
وقيل ما جمع الفرش
قت ليه ريم قال لي بعيد
ولا حتى في يوم الوعيد
قلت ليه زورني أكون سعيد
قال لي ولا في كل عيد
شُفْتُه بَالرَّمْلَ هَبْهَبْ
حَاكِيَتْ البِقُولْ هَبْهَبْ
يَا رَبِّي يَا مُدْهِبْ هَبْ
دُعَانَا يَا حَقْ بَالهَبْهَبْ
البَارِح كَلاَم النَّاس بِدُور يِفْرِقْنَا
كُلُّو مَرَق كِضِبْ عُقْبَالْ صَفِينَا ورُقْنَا
العَنْجَه الوَرِيدَه مَتَنَّى زَايْدَه عُشُقْنَا
تَتْأوَّد بِتِل قَصَبَةْ مَنَاصِحْ الحُقْنَه
تِبْريَّاً لَكِيك للعَاشْقِينْ نَفَسَنْبُو
مَا دَرَجَنْ لَبِيبْ بَى شغلاً إتْحََسَنْبُو
مَا لَفَظَنْ كَلامْ بالحِلَّه إتْكَبَسَنْبُو
دُخَّان الضِّحَى السِّتَاتُو إتْحَبَسَنْبُو
أبْعَد مِنَّهِنِ حَتَّى الشَّرِيطْ كَمَّلْتُو
زَاقَنْ مِنِّى فُرْصَة كُل مَا أمَّلْتُو
التَّعَبْ الشَّدِيدْ كَابَدْتُو واتْحَمَّلْتُو
مَعَنَى حَيَاتِى وا أسفاً عَلَى هَمَّلْتُو
مَالَكْ يَازَمَنْ صَبْرِى العَظِيمْ كَمَّلْتُو
سِرْكِى تَأسُّفِى أمْضَيتْ عَليه وفَرْمَلْتُو
زِنْدِى عَلَى قَفَاىْ مِمَّا أرُومْ زَمَّلْتُو
أجْمَعْ شَمْلِى بَيهِنْ مَعَناهُ يا الجَّمَّلْتُو
رَبَّنَا بَالجَّمَالْ يَانُورْ عِيُونِى أبَاحِكْ
فُوقْ لَكِفَايَتِكْ يَا البَاسِمِكْ مِصْبَاحِكْ
مُنْذ رَأيتَه لَى تَارِيخُه بَاسِمْ وضَاحِكْ
حَتَّى يُخَالَ لَىْ كُلَّ شَيْئاً ضَاحِكْ
مَا أحْكَمِكِ رَاعْيَه ومَا أوْعَاكْ دَلِيلَه
مَا أذْكَاكِى نَقْشَه كالنَّسْمَه العَلِيلَه
ماأشْهَاكِ غَانْيَه ومَا أحْلاَك حَلِيلَه
فِى الوَهْجِ المُحَرِّقْ كالرُّوضَة البَلِيلَه
إذَا إنْهَتَكْ عَلىِ شَانْ شَانْ
لَهُ عِنْدَ كُلَّ ذُوْ شَانْ شَانْ
مُهَذَّبْ لَهْجُو مَا شَانْ شَانْ
عَسَلْ مِنْ شِنُّو شَنْ الشَانْ
يُومْ الأحَدْ الحَدْدُو
مَرْضَانْ عَشُوقِكْ مَدْدُو
مَرْ الحَنَاضِلْ كَضْضُو
فُوقْ إيْدَه خَايِلَه الفَضْضُو
كان حدثتي ما بتشني
تشبهي الفي الخزن مشني
حبك في الفؤاد طارشني
يا بنية الحكاية شني
مالي كان جنيت مالي كان طرش
مالي كان مرق شايل البرش
ياأخي كالموج الطامح برش
وقيل ما جمع الفرش
قت ليه ريم قال لي بعيد
ولا حتى في يوم الوعيد
قلت ليه زورني أكون سعيد
قال لي ولا في كل عيد
شُفْتُه بَالرَّمْلَ هَبْهَبْ
حَاكِيَتْ البِقُولْ هَبْهَبْ
يَا رَبِّي يَا مُدْهِبْ هَبْ
دُعَانَا يَا حَقْ بَالهَبْهَبْ
البَارِح كَلاَم النَّاس بِدُور يِفْرِقْنَا
كُلُّو مَرَق كِضِبْ عُقْبَالْ صَفِينَا ورُقْنَا
العَنْجَه الوَرِيدَه مَتَنَّى زَايْدَه عُشُقْنَا
تَتْأوَّد بِتِل قَصَبَةْ مَنَاصِحْ الحُقْنَه
تِبْريَّاً لَكِيك للعَاشْقِينْ نَفَسَنْبُو
مَا دَرَجَنْ لَبِيبْ بَى شغلاً إتْحََسَنْبُو
مَا لَفَظَنْ كَلامْ بالحِلَّه إتْكَبَسَنْبُو
دُخَّان الضِّحَى السِّتَاتُو إتْحَبَسَنْبُو
