تويت
أم حداقة
يَا حَبِيبِى اللَّيلَه
الوَلَه حَاطْ بَىْ
صِرْ فِى النَّكَدْ كُل لَيلَه
أمْ حَدَاقَه حِلَيلَه
النَّطِنْ كُلْ لَيلَه
والنَّجَافِى النُّومْ ألْفِ لَيلَه ولَيلَه
النَّطْرَى أيَّاماً صَافْيَة خَاتْيَة عِلَيلَه
والنَّبَكِّى الطَّيرْ حِينْ نَقُولْ يَا حِلَيلَه
الأنِينْ والوَاحْ والوَلَه واللَّوْعَه
الحَنِينْ والنُّوحْ والكَبِدْ مَقْلُوعَه
كُبْدي تِتْشَحْتَفْ وصَحَّتِى مَخْلُوعَه
رُوحِى مِنْ هَذا إسْتَخِرْتَ طِلُوعَة
هِى أُمْ رَيدْ
هِى أُمْ ورِيدْ هِى أمْ جِدَلْ هِى الأنْدَرْ
هِى أُمْ ضَمِيرْ طَيَّاتُو شَمْع إسْكَنْدَرْ
هِى أُمْ قَوَاماً سَالِكْ خَاتِى عُضْواً فَنْدَرْ
هِى أُمْ قِدَيماً بَالبُوخَه دِيْمَه مَجَنْدَرْ
الوَضِيبْ كُحْلِى مَاهُ المَعَيَّسْ وَاسِخْ
والجَّبِينْ بَدْرِى والأزَجْ نُونْ نَاسِخْ
والنِّغَيمْ تَاوِى واللِّهَيجْ مُو مَاسِخْ
والشِّلُوخْ يَانَاسْ إعتَنَاهَا الرَاسِخْ
الله يَعْلَم بَى قَلْبِى بَيكْ مُتْشَلِّعْ
أذْكُرِكْ دِيْمَة وأصْطَبِر متِْخَلِّعْ
نَصْبَ عَينِى خَيَالِكْ ونَارْ حَشَاىَ تَوَلِّعْ
وأبْقَى فِى العَبَرَاتْ يَا أمْ حَدَاقَة أبَلِّعْ
يَا حَبِيبِى اللَّيلَه
الوَلَه حَاطْ بَىْ
صِرْ فِى النَّكَدْ كُل لَيلَه
أمْ حَدَاقَه حِلَيلَه
النَّطِنْ كُلْ لَيلَه
والنَّجَافِى النُّومْ ألْفِ لَيلَه ولَيلَه
النَّطْرَى أيَّاماً صَافْيَة خَاتْيَة عِلَيلَه
والنَّبَكِّى الطَّيرْ حِينْ نَقُولْ يَا حِلَيلَه
الأنِينْ والوَاحْ والوَلَه واللَّوْعَه
الحَنِينْ والنُّوحْ والكَبِدْ مَقْلُوعَه
كُبْدي تِتْشَحْتَفْ وصَحَّتِى مَخْلُوعَه
رُوحِى مِنْ هَذا إسْتَخِرْتَ طِلُوعَة
هِى أُمْ رَيدْ
هِى أُمْ ورِيدْ هِى أمْ جِدَلْ هِى الأنْدَرْ
هِى أُمْ ضَمِيرْ طَيَّاتُو شَمْع إسْكَنْدَرْ
هِى أُمْ قَوَاماً سَالِكْ خَاتِى عُضْواً فَنْدَرْ
هِى أُمْ قِدَيماً بَالبُوخَه دِيْمَه مَجَنْدَرْ
الوَضِيبْ كُحْلِى مَاهُ المَعَيَّسْ وَاسِخْ
والجَّبِينْ بَدْرِى والأزَجْ نُونْ نَاسِخْ
والنِّغَيمْ تَاوِى واللِّهَيجْ مُو مَاسِخْ
والشِّلُوخْ يَانَاسْ إعتَنَاهَا الرَاسِخْ
الله يَعْلَم بَى قَلْبِى بَيكْ مُتْشَلِّعْ
أذْكُرِكْ دِيْمَة وأصْطَبِر متِْخَلِّعْ
نَصْبَ عَينِى خَيَالِكْ ونَارْ حَشَاىَ تَوَلِّعْ
وأبْقَى فِى العَبَرَاتْ يَا أمْ حَدَاقَة أبَلِّعْ
