مختار دفع الله «تاني جيتك»

تاني جيتك
تانى جيتك
شايل معاى ندى الحروف
بهجة عصافير الجروف
تانى جيتك كان اشوف
كل الامانى الفى الفؤاد
يا غالى بى قربك تطوف
***
تانى جيتك
بعد الضياع بعد المحن..بعد الودار
بعد السنين الخاليه من لون الخدار
انا تانى جيتك وفى الفؤاد
احساس بحن لكل دار
حنينو مرسوم فى العيون
فى كل ضحكات الصغار
**
تانى جيتك
شايل معاى طيبة الصباح
شايل معاى أمل السنين
ناسى القبيل من عمرى راح
ناسى الضياع الكان زمن
مدسوس بتاور فى الجراح
والليلة جيت بى كل ود
طالب الرضا وطالب السماح