مختار دفع الله «حروف للفراشة»

حروف للفراشة
يا شدر
بلدى وبيوتا
يا ربيع ما هان عليهو
يمر بى حاراتنا ويفوتا
يا اماسينا الحبيبه
وامنيات صبحت قريبه
** ويا مرط
ساقى المرابيع الجديبه
يا ربيع فى عمرى باسم
يا فرح كل المواسم
يا العيونك لما ارحل
يبقو لىّ اجمل عواصم
*** ولو جفتنى فى يوم عيونك
من صدودن مانى خايف
وانا فى بحار عينيك شايف
رقصة الموج فى السواحل
وبهجة الناس فى المصايف
***
والدراويش يوم يبالغو مع الذكر
وذكر نبى الله الخدر
والعلاقه البين اناملك والقطايفى
واتكاءات العصارى
وترعة الشوق فى القمارى
***
والخدار يادابو فرهد
وشرَّ فى كل الصحارى
والشمس لامن تقيف
بى عنده فى الفاصل المدارى