علي الخضر (السنجك) «جفا وحرمان»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • علي الخضر (السنجك) «جفا وحرمان»

    قلبا لى فى هواك شقى واتعذب كفاهو
    ضاقت بيهو الوسيعى وبعادك زايد شقاهو
    مرة ينوح ومرة يبكى محزم رابط قفاهو
    تمر أحزان الليالى هو شايله صابر تراهو
    قلبك ما لان عليهو دايما رايد جفاهو
    وقليبى عليك بيلاهى ومعاك ما اتبدل وفاهو
    هواك وارد فيك جمالا دون خلق الله اصطفاهو
    وعشق فى ذاتك محاسن عليك جابرا مولفاهو
    هايم تابع دريبك سرح فى هويدو وخلاهو
    وجارت بيهو الليالى وبلا الحرمان شن لقاهو
    يتوق لى شوفتك قليبى عيونى يشابوا ويلاهوا
    وتفيض اعماق المشاعر تفجر شعرو وغناهو
    سيرة قيس والمحلق كانت صبروا وعزاهو
    وعزاهم جميل المتيم وكتير فى الريد قبلو تاهو
    مبارى جنون القوافى ودر عمرو وصباهو
    وعليهو الناس قالوا جنى ويقولوا متابع هواهو
    يغنى يردد حروفك يوم ما سكتت شفاهو
    عشان فى غناك يلقى ذاتو ووراء الكلمات سر شفاهو
يعمل...
X