تويت
من بعد التحايا العطرة وآلاف السلام وكما
أود ألقاك ياحميد وتلقاك نورة مبتسمة
شعرك فى محاسنة لوحة قبلك مافى زول رسمة
وتركتها فى جدار الكون مدى الأجيال تظل بصمة
زى ما قلت حلمت نورة بالبنيان بعد تم
انتكى وفلع قفا الزول البناهو رمى
وشافت فى منامها طيور بتاكل فى جنى رحمة
بقت بين المخافة وحيدة قامت خايفة من حلمة
تقول فجر الصباح أشرق سطع فوق الأرض عما
تقيف لا حيله تنتاوق تقوم تلقاهو ضوء نجمة
حكت للناس بعض أحلامها لمان الأمر دهمة
وتفسر فيهو لا سكتت ولا وصف الحلم تم
قالوا ده حال جنونا بيها جابوا الموية من شيخا قرا وعزمة
وقراها مجامع الأوراد وآيات الكتاب ختمة
بعد الشيخ سمع شكواها من شبحا صحيح هجمة
بيجيها منام وصاحى تشوفو زى أحلام شعور حاميها تنجمة
قال هى علاجها مو عندى ولا عند التقى الجمع العلم لمة
أمكم يا ولاد موجوعة لا مجنونة لا الشيخ فى بصيرتو عمى
تدور ولدا يريدة شديد وفى قلبو الشجون كتمة
وشجونو بقت يقينا صاح عليهو طبع حروف اسمة
ولدا بى أذاها خبير يخت ايديهو فوق ألمة
ويهتف يانى قدم الخير أداوى اليغلب الحكما
دابو اطامنوا الجنيات وكل الكان وقف بى نورا واهتم
وياداب عرفو انها صادقة نورا وكان صحيح حلمة
الا تراها يا حميد هى للآن تشكى من ظلمة
وتبكى من الهوان الفيهو والبيهو الزمن حكمة
صبحت فى لسان خلق الله كل الناس بتتهمة
بالجوع والعطش فى الصيف وشققت الهجير جسمة
جرت جنياتة غادى وجاى يجابدوا ويشحدوا اللقمة
قمح أمريكا ولبن البودرة اغاثات جاى بى وخمة
وكتين جابو زيت الصويا من وارسو وشمال بنما
نورا أهل الأرض عارفين يكفيهم سمن غنمة
تأكل فى الولاد مجبورة والناس يأكلو فى لحمة
قايلين نورا ضل صوابة تاهت تاهت عايشة فى وهمة
أبد ا نورا ما بتنزل لا يوم تنعتق خدمة
تكفى الناس وحتى الطير بياكل من بعض نعمة
نورة هى بت ملوك الدنيا اهل العزة من قدمة
فوق عرش الملوك تتهادى تاطا بساطو بى جزمة
تدور تنهض ولادا ليها تنهض نخوتة وهممة
تقولهم آ ولادى تعالوا حارة وباردة نتقسمة
نورا تدوركم يا جنيات شملكم جمعو يتلم
فى الفات الندم خلوه ما نفع الخلق ندمة
قالو ولاده حاضر زين وسامعين الكلام يمة
ولادك يمة ما خذلوك الا التاه ضلالو عمى
وعاد كل الولاد يا نورا مابتتساوى فى فهمة
بعضهم اليقيفوا معاك وبعضهم القروش كل منتهى علمة
بعد ليلا مدارو طويل يبين فجر الصباح يمة
ويبدد لى ظلام الحال ستارو الفوقنا يتلم
عيونا تشوفا حالك زين مستور مطوى فى حشمة
وعصافيرو المهاجرة تعود تردد فى الغصون نغمة
ومن صدر الغلابة تطير زغاريد الفرح فى القافية والنمة
ويصدح حمد احمد عاد محل ما شافلو حس لمة
أود ألقاك ياحميد وتلقاك نورة مبتسمة
شعرك فى محاسنة لوحة قبلك مافى زول رسمة
وتركتها فى جدار الكون مدى الأجيال تظل بصمة
زى ما قلت حلمت نورة بالبنيان بعد تم
انتكى وفلع قفا الزول البناهو رمى
وشافت فى منامها طيور بتاكل فى جنى رحمة
بقت بين المخافة وحيدة قامت خايفة من حلمة
تقول فجر الصباح أشرق سطع فوق الأرض عما
تقيف لا حيله تنتاوق تقوم تلقاهو ضوء نجمة
حكت للناس بعض أحلامها لمان الأمر دهمة
وتفسر فيهو لا سكتت ولا وصف الحلم تم
قالوا ده حال جنونا بيها جابوا الموية من شيخا قرا وعزمة
وقراها مجامع الأوراد وآيات الكتاب ختمة
بعد الشيخ سمع شكواها من شبحا صحيح هجمة
بيجيها منام وصاحى تشوفو زى أحلام شعور حاميها تنجمة
قال هى علاجها مو عندى ولا عند التقى الجمع العلم لمة
أمكم يا ولاد موجوعة لا مجنونة لا الشيخ فى بصيرتو عمى
تدور ولدا يريدة شديد وفى قلبو الشجون كتمة
وشجونو بقت يقينا صاح عليهو طبع حروف اسمة
ولدا بى أذاها خبير يخت ايديهو فوق ألمة
ويهتف يانى قدم الخير أداوى اليغلب الحكما
دابو اطامنوا الجنيات وكل الكان وقف بى نورا واهتم
وياداب عرفو انها صادقة نورا وكان صحيح حلمة
الا تراها يا حميد هى للآن تشكى من ظلمة
وتبكى من الهوان الفيهو والبيهو الزمن حكمة
صبحت فى لسان خلق الله كل الناس بتتهمة
بالجوع والعطش فى الصيف وشققت الهجير جسمة
جرت جنياتة غادى وجاى يجابدوا ويشحدوا اللقمة
قمح أمريكا ولبن البودرة اغاثات جاى بى وخمة
وكتين جابو زيت الصويا من وارسو وشمال بنما
نورا أهل الأرض عارفين يكفيهم سمن غنمة
تأكل فى الولاد مجبورة والناس يأكلو فى لحمة
قايلين نورا ضل صوابة تاهت تاهت عايشة فى وهمة
أبد ا نورا ما بتنزل لا يوم تنعتق خدمة
تكفى الناس وحتى الطير بياكل من بعض نعمة
نورة هى بت ملوك الدنيا اهل العزة من قدمة
فوق عرش الملوك تتهادى تاطا بساطو بى جزمة
تدور تنهض ولادا ليها تنهض نخوتة وهممة
تقولهم آ ولادى تعالوا حارة وباردة نتقسمة
نورا تدوركم يا جنيات شملكم جمعو يتلم
فى الفات الندم خلوه ما نفع الخلق ندمة
قالو ولاده حاضر زين وسامعين الكلام يمة
ولادك يمة ما خذلوك الا التاه ضلالو عمى
وعاد كل الولاد يا نورا مابتتساوى فى فهمة
بعضهم اليقيفوا معاك وبعضهم القروش كل منتهى علمة
بعد ليلا مدارو طويل يبين فجر الصباح يمة
ويبدد لى ظلام الحال ستارو الفوقنا يتلم
عيونا تشوفا حالك زين مستور مطوى فى حشمة
وعصافيرو المهاجرة تعود تردد فى الغصون نغمة
ومن صدر الغلابة تطير زغاريد الفرح فى القافية والنمة
ويصدح حمد احمد عاد محل ما شافلو حس لمة