تويت
هيثم احكيلكم حكايتو قولي صاح مافيهو ريبه
قصتو المشهورة كانت حاصلي قبل سنين قريبه
تبدا بي مشوار عواطف بين قلوب مليانة طيبه
وريدة في عمق المشاعر كل يوم يزداد لهيبا
نجوى بت خالتو الوحيدة ريدتا اصبح مُبتليبا
اشتياق لي لقيا دايماً كان يسوقو على دريبا
كاتم الريد في دواخلو وبرضو كاتما هي في قليبا
مطوي في الوجدان غرامن زي خلايق ساترة عيبا
كان هي يوما الما تشوفو نهارا كلو تكون كئيبه
وتبكي لما الليل يهود ويسمعو الجيران نحيبا
ما بتغيب عن عينو لحظة وهو لحظة ما بيقدر يغيبا
ومنو لو غابت دقايق كان تضيق دنيا الرحيبه
المودة البين قلوبن نادري من نوعا وغريبه
فداها كان الروح بترخص ما بتساوي ولا السبيبه
رغم انو زمانو عاندو والظروف قاسية وصعيبه
خواطرو ما جرى فيها لحظة يوم من الايام يسيبا
مرت الايام وعدت والسنين مرت رتيبة
نجوى بين احلاما كبرت وكان معاها كبر حبيبا
ورسمو ليل الفرحة بينهم ليلة يصدح عندليبا
بي سنا الافراح موشحا فاح وعم الدنيا طيبا
الا في زمنو المعاكس ودنيتو الجايري وعجيبه
ملازمو قصر الايد ودايماً حالتو للناس يشتكيبا
بالزواج في نيتو فكر خاف تقوم تحصل مصيبة
قال بعد تأكيد عزيمتو امو شورتها يبتديبا
وكان هو في كل المواقف يحترم لي امو شيبا
مو كتير جات أمو داخلي ودابا وصلت عنقريبا
بي حنان الأم بتسأل مالو راقد علو طيبه
اختصر حبل الكلام وقعت الكلمة الرهيبه
نجوى دايرة في حياتي تكونلي من اليوم خطيبه
الدموع من عينها سالت وليهو قالت بي نحيبا
أنا من زمان خايفاهو قلبك ريدة البت يمتليبا
البنية هي زين سميحة وخاتية من شيتاً يعيبها
أيي صح هي جميلة آيه وفاق جمال تاجوج نصيبا
العفاف لابساهو مقنع وفي الضهر مردوم سبيبا
وعودها زي الفي جروفو اتفدعت ميل وضيبا
الا يا هيثم جنايا خالتك إنت رضِعْ حليبا
وفي الشرع تبقالك أختك وما بتكون لاختك خطيبها
قصتو المشهورة كانت حاصلي قبل سنين قريبه
تبدا بي مشوار عواطف بين قلوب مليانة طيبه
وريدة في عمق المشاعر كل يوم يزداد لهيبا
نجوى بت خالتو الوحيدة ريدتا اصبح مُبتليبا
اشتياق لي لقيا دايماً كان يسوقو على دريبا
كاتم الريد في دواخلو وبرضو كاتما هي في قليبا
مطوي في الوجدان غرامن زي خلايق ساترة عيبا
كان هي يوما الما تشوفو نهارا كلو تكون كئيبه
وتبكي لما الليل يهود ويسمعو الجيران نحيبا
ما بتغيب عن عينو لحظة وهو لحظة ما بيقدر يغيبا
ومنو لو غابت دقايق كان تضيق دنيا الرحيبه
المودة البين قلوبن نادري من نوعا وغريبه
فداها كان الروح بترخص ما بتساوي ولا السبيبه
رغم انو زمانو عاندو والظروف قاسية وصعيبه
خواطرو ما جرى فيها لحظة يوم من الايام يسيبا
مرت الايام وعدت والسنين مرت رتيبة
نجوى بين احلاما كبرت وكان معاها كبر حبيبا
ورسمو ليل الفرحة بينهم ليلة يصدح عندليبا
بي سنا الافراح موشحا فاح وعم الدنيا طيبا
الا في زمنو المعاكس ودنيتو الجايري وعجيبه
ملازمو قصر الايد ودايماً حالتو للناس يشتكيبا
بالزواج في نيتو فكر خاف تقوم تحصل مصيبة
قال بعد تأكيد عزيمتو امو شورتها يبتديبا
وكان هو في كل المواقف يحترم لي امو شيبا
مو كتير جات أمو داخلي ودابا وصلت عنقريبا
بي حنان الأم بتسأل مالو راقد علو طيبه
اختصر حبل الكلام وقعت الكلمة الرهيبه
نجوى دايرة في حياتي تكونلي من اليوم خطيبه
الدموع من عينها سالت وليهو قالت بي نحيبا
أنا من زمان خايفاهو قلبك ريدة البت يمتليبا
البنية هي زين سميحة وخاتية من شيتاً يعيبها
أيي صح هي جميلة آيه وفاق جمال تاجوج نصيبا
العفاف لابساهو مقنع وفي الضهر مردوم سبيبا
وعودها زي الفي جروفو اتفدعت ميل وضيبا
الا يا هيثم جنايا خالتك إنت رضِعْ حليبا
وفي الشرع تبقالك أختك وما بتكون لاختك خطيبها