تويت
العندو جواب للبلد والعندو شوره يوصله
والدار يوصى على الاهل
والدار يحل كل مشكله
انا ماخلاص قايم للبلد
قررت اشق درب الخلا
اصل الديار
الثُم تراب اهلى ونباته وحرجله
لى مده فى الاسفار , سجين الوحده
ياكافى البلا
والورده تذبل فى الفرع وكتين تفارق مشتله
***
عاودينى ياذكرى البلد عهد الطفوله واوله
نخل الفريق ,,, شتل الجرف
النيل .. حفيره وجدوله
انا من زمن طاريها تب
عاشق حضاره وبركله
ياغنوه فى فم الزمان قصة بطوله مسلسله
زاد شوقى لى ناسا" حُنان
ما ناس عُقد ... لامشكله
وانا اصلى فى درب البلد لو مت روحى مُسبله
*
أزمنت من ربع الشمال
فى غربه مقطوع الصله
بس لا خبر لابان اثر افرحبو لحظه قليله
ياربى مافات الرمال الكان رخيص هسى غلا
لسُه الخدار داك والزرع
والصفرة قندوله اتملا
لسه البحر حاضن القيوف
ساكب دموعه مغسله
والساقى عصفورا الفرح قاعد متنى السُنبله
رحماك يازمنى القسيت لامتين ظروفى تبدله
وامشيهو مشوار البلد
مارى بى صعيده وسافله
وانزل صباح شاقى الزرع وانظر فتاتنا العامله
بت الحسين , سايقى البهم ,
والزهره بتا" للغفير
تسقى الشتل من جردله
والقاها نبمات الدرب صادحات طيورا مقيله
*****
زهرتنا نوارة الفريق ,اشواقى ليكى برسله
بعدك لقيت كل الفرح صعبت دروبو مقفله
ياحليله ايام السرور وكتين اشوفك مقبله
فارقت دوحاتك ضهب كم غردتلى بلابله
لو شفتى فوق درب العزاب قاطع لى مليون مرحله
وان جانى طيفك مره لاح تقطر دموعى مسيله
يامنقه اسوارك علت قاسى اليدين تتناوله
واصلو الجمال فوقك يلوح
مافوقو صُبغه ولا طلا
كان جيتى مارقه مع البنات
والله احلى من الحلا
واصلك مقدسه فى القلب
ذى النجف او كربلا
طاريكى كل مامر يوم
بالذكريات جسمى اتقلا
عمرك سمعتيلك فقير ينسى اوقات الصلاة
والدار يوصى على الاهل
والدار يحل كل مشكله
انا ماخلاص قايم للبلد
قررت اشق درب الخلا
اصل الديار
الثُم تراب اهلى ونباته وحرجله
لى مده فى الاسفار , سجين الوحده
ياكافى البلا
والورده تذبل فى الفرع وكتين تفارق مشتله
***
عاودينى ياذكرى البلد عهد الطفوله واوله
نخل الفريق ,,, شتل الجرف
النيل .. حفيره وجدوله
انا من زمن طاريها تب
عاشق حضاره وبركله
ياغنوه فى فم الزمان قصة بطوله مسلسله
زاد شوقى لى ناسا" حُنان
ما ناس عُقد ... لامشكله
وانا اصلى فى درب البلد لو مت روحى مُسبله
*
أزمنت من ربع الشمال
فى غربه مقطوع الصله
بس لا خبر لابان اثر افرحبو لحظه قليله
ياربى مافات الرمال الكان رخيص هسى غلا
لسُه الخدار داك والزرع
والصفرة قندوله اتملا
لسه البحر حاضن القيوف
ساكب دموعه مغسله
والساقى عصفورا الفرح قاعد متنى السُنبله
رحماك يازمنى القسيت لامتين ظروفى تبدله
وامشيهو مشوار البلد
مارى بى صعيده وسافله
وانزل صباح شاقى الزرع وانظر فتاتنا العامله
بت الحسين , سايقى البهم ,
والزهره بتا" للغفير
تسقى الشتل من جردله
والقاها نبمات الدرب صادحات طيورا مقيله
*****
زهرتنا نوارة الفريق ,اشواقى ليكى برسله
بعدك لقيت كل الفرح صعبت دروبو مقفله
ياحليله ايام السرور وكتين اشوفك مقبله
فارقت دوحاتك ضهب كم غردتلى بلابله
لو شفتى فوق درب العزاب قاطع لى مليون مرحله
وان جانى طيفك مره لاح تقطر دموعى مسيله
يامنقه اسوارك علت قاسى اليدين تتناوله
واصلو الجمال فوقك يلوح
مافوقو صُبغه ولا طلا
كان جيتى مارقه مع البنات
والله احلى من الحلا
واصلك مقدسه فى القلب
ذى النجف او كربلا
طاريكى كل مامر يوم
بالذكريات جسمى اتقلا
عمرك سمعتيلك فقير ينسى اوقات الصلاة