تويت
يابا ود حاج
يابا ود حاج أنا ماب أدس
مالو فاتني قطار العرس
* * * * *
يابا ود حاج الفي السلم
يابا ألحقني أنا إنظلم
ناس أبوي رعوني الغنم
ينهروني خشيمي إن نضم
حرّمونى المرقات والملم
مني دمع العين يجري دم
* * * * *
حششوني القش والعُشر
وبالصفيح زازيت البحر
حتى لي واقودنا كسَّر
وديمة فطن الذل والحقر
خاطري أنا المكسور ما انجبر
عايشة والمستقبل خطر
* * * * *
قاعدي لا خاطب لا حبيب
لا أمل يضويلي الدريب
المروق ممنوع قالوا عيب
حتى راسي أنا قرَّب يشيب
العرس عاد قسمة ونصيب
يا حليل شمشي الدار تغيب
* * * * *
يابا أخواتي اتعرَّسن
بدري ساقوهن وسافرن
ناس خجيجي وأم الحسن
إلا أنا الصابري مع المحن
إن نضم قالوا بنات زمن
وإن سكت الموت والكفن
يابا ود حاج جيتك أزور
وجب زيارتك حب للطيور
لي تجيبو عريسي في دور
يضوي حوشنا يلالي بالنور
دار أسيبه حوامة التمر
وأنسى لي دليت العصر
يابا ود حاج أنا ماب أدس
مالو فاتني قطار العرس
* * * * *
يابا ود حاج الفي السلم
يابا ألحقني أنا إنظلم
ناس أبوي رعوني الغنم
ينهروني خشيمي إن نضم
حرّمونى المرقات والملم
مني دمع العين يجري دم
* * * * *
حششوني القش والعُشر
وبالصفيح زازيت البحر
حتى لي واقودنا كسَّر
وديمة فطن الذل والحقر
خاطري أنا المكسور ما انجبر
عايشة والمستقبل خطر
* * * * *
قاعدي لا خاطب لا حبيب
لا أمل يضويلي الدريب
المروق ممنوع قالوا عيب
حتى راسي أنا قرَّب يشيب
العرس عاد قسمة ونصيب
يا حليل شمشي الدار تغيب
* * * * *
يابا أخواتي اتعرَّسن
بدري ساقوهن وسافرن
ناس خجيجي وأم الحسن
إلا أنا الصابري مع المحن
إن نضم قالوا بنات زمن
وإن سكت الموت والكفن
يابا ود حاج جيتك أزور
وجب زيارتك حب للطيور
لي تجيبو عريسي في دور
يضوي حوشنا يلالي بالنور
دار أسيبه حوامة التمر
وأنسى لي دليت العصر