تويت
المعطـَّر توبا
يا ساتر علي يا خلـَّة من نار المعطـَّر توبا
أياماً معاك حليلة حِبِّي البجمال موهوبة
* * * * *
عنوان الكمال ست ريدي شمساً ما بقت لغروبة
في ذاتك عجز تعبيري
عن وصفك وجدت صعوبة
صيدة في الخمايل زي دي
لا شافوها لا سمعوبه
كانت ليَّا .. بين إيديَّا من عيني بقت محجوبة
* * * * *
رددي يا نغيمات لحني أسمعي قولي يا محبوبة
من بعدك لقيت الدنيا
في عيني بقت مقلوبة
ما كان البعاد طارنو أصلو الفرقة ما محسوبة
البحيا ويعيش يا دنيا يلقى الفي الجبين مكتوبة
* * * * *
يا نبع الحنان إشتقت ...
عطشان يا خديرة اللوبا
والله الزمان أشقاني
ريدتك دار أموت في دوبه
ماب ألقى السعادة بلاكي
عينيك ما بيطيب مضروبة
ما هانت علي العشرة تكفيك دمعتي المسكوبة
* * * * *
يسرح فكري في كل لحظة لاحق سكته البمشوبه
اتعبَّدت في محرابه اندروش بقيت مجذوبا
يحكم حظي ليه يا دنيا
فرق الشوفتو يتهنوبه
وأقعد في جحيمي أداري ناري الفي الفؤاد مشبوبة
لو كانت مسافات بينا أو فرقتنا شاني حروبه
ريدتك في القلب من بدري
ثابتة وماب يقل منسوبة
الليل أبني فيهو قصوري
ألقاها الصباح مخروبة !!
من سافرتي شلتي الفرحة
من دنياي عدمت هبوبه
* * * * *
مشتاق للبلد والله ، طوَّل ما سلكت دروبه
جارت حرَّمتني الغربة ،
حِنَّ الخالة والحبوبة
يا مولاي تحل لي قيدي
حقق منيتي المطلوبة
يتكرم نسيمه يداوي لي قلبي الخرب زي سوبا
يا ساتر علي يا خلـَّة من نار المعطـَّر توبا
أياماً معاك حليلة حِبِّي البجمال موهوبة
* * * * *
عنوان الكمال ست ريدي شمساً ما بقت لغروبة
في ذاتك عجز تعبيري
عن وصفك وجدت صعوبة
صيدة في الخمايل زي دي
لا شافوها لا سمعوبه
كانت ليَّا .. بين إيديَّا من عيني بقت محجوبة
* * * * *
رددي يا نغيمات لحني أسمعي قولي يا محبوبة
من بعدك لقيت الدنيا
في عيني بقت مقلوبة
ما كان البعاد طارنو أصلو الفرقة ما محسوبة
البحيا ويعيش يا دنيا يلقى الفي الجبين مكتوبة
* * * * *
يا نبع الحنان إشتقت ...
عطشان يا خديرة اللوبا
والله الزمان أشقاني
ريدتك دار أموت في دوبه
ماب ألقى السعادة بلاكي
عينيك ما بيطيب مضروبة
ما هانت علي العشرة تكفيك دمعتي المسكوبة
* * * * *
يسرح فكري في كل لحظة لاحق سكته البمشوبه
اتعبَّدت في محرابه اندروش بقيت مجذوبا
يحكم حظي ليه يا دنيا
فرق الشوفتو يتهنوبه
وأقعد في جحيمي أداري ناري الفي الفؤاد مشبوبة
لو كانت مسافات بينا أو فرقتنا شاني حروبه
ريدتك في القلب من بدري
ثابتة وماب يقل منسوبة
الليل أبني فيهو قصوري
ألقاها الصباح مخروبة !!
من سافرتي شلتي الفرحة
من دنياي عدمت هبوبه
* * * * *
مشتاق للبلد والله ، طوَّل ما سلكت دروبه
جارت حرَّمتني الغربة ،
حِنَّ الخالة والحبوبة
يا مولاي تحل لي قيدي
حقق منيتي المطلوبة
يتكرم نسيمه يداوي لي قلبي الخرب زي سوبا