خالد الباشا " جاية دابك "

جاية دابك !!!!!

جايه تسألي عني دابك ..!!!!؟؟

بعدما أدمنت حبك وبعدما حبيت غيابك ..

جايه دااابك !!

جايه وإحساس إني منك ..حُترب إتحتحت رماد ..

نورقت قلب الأغاني .. الوحده .. الليل والبعاد ..

وبيكي ضرتني الأماني ... وشالني تاني هواك صاد ..

لاني هسع في ترابك ..

ولاني لسع في جرابك ..

تزرعيني محل تريدي وتفرحيبي حصاد .. حصاد ..

!!!!!!!

وجاية دابك بعد أيه !!؟

جايه ليه !!؟

جايه مالك جايه دابك ...!!!!

لاسلامك بله ريقي .. لاكي نور باهر طريقي ..

لاني فرحان بي حبابك ..



من سنين صالبني شوقك ...

من سنين ..كاشراهو بابك ..

من سنين ميتي الأزاهر .. صابري راجي المويه باكر

حندكا وهاجر سحابك ..

وجاية دابك !!!؟

مالجروح حلوة ولذيذة ..

لما تبقى تحت ملامس

يبقى احساس الغريزة .. زول محرق وقلبو حاسس

انو عود بي نار محرق .. لاهو لين ولاهو يابس

وشوكي في حلق الأماني .. وزول من الحابنو يائس



وجاية دابك ...!!!؟

جايه وإتعلمت منك .. كيف يعيش الزول هواهو ..

يبكي لامن روحو تمرق .. يحردك ويرضاك براااهو ..

وينسجك من نور قمرنا .. ويلفحك جرجار وراهو ..

يكتبك في الواطة مسرة ... ويسقي شتلك بي غناهو ..



كم حلمت النيل متسب ..

والبلد شااايل سماهو ..

إنتي والإييدين تتبتب ..

فوق كتوف حلمي وقفاهو ..

أصحى وإحساسي الموتب .. لهفتي (ووردت ) عذابك



وجاية تسألي عني دابك

بعدما دمنت حبك وبعدما حبيت عذابك

جاية دابك !!؟.