تويت
يابلد حوشاب ونوبة وحي مطار
اه يابلد.
من حدها ولي حدها
قيزان ولار
اه يابلد ..
شوكاب ..
رِجالا وقار
اه يابيوت خليتا في الاحزان وجع
تتقلى صابري على الوقع
يقلاها نيل ويبقالا نار
واه يابلد غرقاني في بحر الدموع
واحزانا قاجي غُبار غُبار
...
كان نفسي احكيك يابلد
وبنوتنا لابسات الزفاف
وكان نفسي في فرح البيوت
نتضارى في الناس الرهاف
ونغني يابلدي السمح
وندلقو شوقنا على الضفاف
لكني ياابدوم اااه ووب
بنوتنا يا وجع القلوب
ياقسوة الزمن النشاف ..
..
حزنا ولا عارفنو كيف
بحرا ولا لاقلو قيف
كلما بتبرد فينا نار
قدر الله تاني يقلبو صيف
وكل الحصل
مع انو مره علي عجل
بس لسه ذاتو يجيني طيف
وين تاني يابلدي السمح
وين تاني يابلدي القمح
وكيف تاني ذاتو نعدلو كيف ..؟؟
...
يالقهوة يا ساعة المغارب في البرش
يا كشكشة بنوتنا
في درب الفريق وكتين نمش
آه يا ضيوفنا وكت ندق
باب البيوت ويجرجرن دافي الفرش
وين تاني يا اهلي الغنا
وطنبورنا ماعاد ينخرش
..
وشاطرات بنات وكت قرن
وطاهرات بناتنا بياض لبن
سمحات بنات وكت مشن
لابسات نضار الدنيا والاخلاق كفن
اه يابلد.
من حدها ولي حدها
قيزان ولار
اه يابلد ..
شوكاب ..
رِجالا وقار
اه يابيوت خليتا في الاحزان وجع
تتقلى صابري على الوقع
يقلاها نيل ويبقالا نار
واه يابلد غرقاني في بحر الدموع
واحزانا قاجي غُبار غُبار
...
كان نفسي احكيك يابلد
وبنوتنا لابسات الزفاف
وكان نفسي في فرح البيوت
نتضارى في الناس الرهاف
ونغني يابلدي السمح
وندلقو شوقنا على الضفاف
لكني ياابدوم اااه ووب
بنوتنا يا وجع القلوب
ياقسوة الزمن النشاف ..
..
حزنا ولا عارفنو كيف
بحرا ولا لاقلو قيف
كلما بتبرد فينا نار
قدر الله تاني يقلبو صيف
وكل الحصل
مع انو مره علي عجل
بس لسه ذاتو يجيني طيف
وين تاني يابلدي السمح
وين تاني يابلدي القمح
وكيف تاني ذاتو نعدلو كيف ..؟؟
...
يالقهوة يا ساعة المغارب في البرش
يا كشكشة بنوتنا
في درب الفريق وكتين نمش
آه يا ضيوفنا وكت ندق
باب البيوت ويجرجرن دافي الفرش
وين تاني يا اهلي الغنا
وطنبورنا ماعاد ينخرش
..
وشاطرات بنات وكت قرن
وطاهرات بناتنا بياض لبن
سمحات بنات وكت مشن
لابسات نضار الدنيا والاخلاق كفن