خالد الباشا " بي ياتو حق "

بي ياتو حق ..؟

سوبتي قلبي الدافي بيت وعدلتي بي شوقي المزاج ؟

ودخلتي فجيتي العروق

وقفلتي ابواب المروق

ومنعتي حسي الاحتجاج !!!

بي ياتو حق .. !!

سلطتي فيني الشوق وجع ..

وعلمتني نفسي الإحتياج

كلما مرقتك مني مٍر اتباكى واجتاجك علاج

ااه يالطلعتي هبوب مقل .. وطلقتي في قلبي العجاج ...

...بي ياتو حق ..!!

منشري فيني مشتته ..ومتمدي لا حد الجنون ..

كلما يلملمك الغمام .. وارجاك على اشواق الغصون

القاك رحلتي مع الحمام .. سبتيني لي بحر الظنون

انا داير ابكيك مرتين
..
احكيك وأعيشك قصتين

زي مادخلتك بالكلام .. انا داير امرقك بالعيون

أو

أو ذاتي أبكيك بي شنو؟؟

وانا مافضل في عيني حباية دموع

لاحتى فاضل فيني حيل

لو هسه قررت الرجوع ..

كل الفضلي من الغرام

اطلال مكندكة بالاسف

ذكرى وضلام وعقاب شموع

وحسيس قليب كان بدررري بينات الضلوع
..
..........

اه يالحبيب

ياللاك معايا ولاك قريب

او لاكا في

وانا ابكي واشواقك سراب

كلما وصلتك تختفي

وانا اقراء والايام كتاب

يجهرني نورك وينطفي

جففتي من عمري الشباب

لاريقي قادري تنشفي ..

..
قايلاني ساكتلك غُلب

انا اصلي ساكتلك براااي

وقايلاني باكييك من وهن ..؟

انا اصلي معرووف بي بكاي

الليلة دم الحب رُكب

يا انتي

يا انا

ياغناي ..

كان (راجلة) امرقي علي الخلا ..

ولاقيني جاي

تنضاري مالك بالوفاء