تويت
أرضي المكندك منَّها
القمرة والنِّيل والورود ....... شالو السَّماح من دنَّها
النخلة والبان والرعود ..... بي كل شموخ واصفنَّها
والشـُّهدا في جنة خلود ......... بي أغلى دم ساقنها
يا أرضنا وأرض الجدود ...... يا الكلُّ يوم طارنَّها
لمتين تحن لينا وتعود .......ما نحن جــــــد راجنَّها
أنا ديمة بسأل في شرود ....... أنا ديمة بسأل عنَّها
يا ربِّي حافظالنا العهود ...... ولا الزمان شال حنِّها
دي الغالية ضوَّاية الخدود ...... يا ربِّي بس كيفنَّها
وكيفن بتخلف للوعود ........ المـن زمان حافظنَّها
خرطوم وعطبرة والنهود ....... أجمل حكاية بكِنَّها
جوَّة القرير أجمل بلود ....... لملم همومـــك وفِنَّها
جد بورسودان عزة وصمود .....وحليوة بالسَّاكننها
ما انت في الغالية العنود .......كل المـدن حاسدنَّها
يا عازة كلنا ليك جنود ....... يا الأصلو ما ناسنَّها
زي شتلة بالخيرات تجود .......بالحب دوام ساقنَّها
مسقيَّة بي موية الورود .... والناس هناك حارسنها
ومحمية من رباً ودود .... في فضلو ما خاب ظنَّها
دي السَّمحة ما بتعرف صدود ... ووفيَّة للزارعنَّها
ما عازَّة نوَّارة الوجود ......ما عازة هي العاشقنَّها
عدَّاد هواها دوام صعود .....جـــوَّة القلوب شايلنَّها
بس جاتها أيَّام لونها سود ....جـــد كنَّا خائفين منَّها
هجموها بالشر والجحود ..... أحزاب مكشرة سنَّها
في الفارغة فاتوها الحدود ..... خلُّو البلاوي يَجنَّها
الحرب والطبع الحقود .......الشـَّـــال جمالها وفنَّها
جهويَّة تحشد في الحشود ....... وفتن دوام شايفنَّها
السِّرقة والزول الحسود ......واللعبة جـت عارفنَّها
فترانة عازة من الشرود ....... والهــــم متوِّر جنَّها
لكن مصير ولدك يعود .....مــن غربة خائب ظنَّها
والدمعة تجري على الخدود..أصلو الجميع حابسنَّها
يوم داكا تتجدَّد عهود ........ والله مــــــــا ناسنَّها
نبنيها مستشفى وسدود ..... نثبت ندافـــــــع عنَّها
ونحميها في إقدام نجود .....والروح يمين مــابنَّها
بس عازة تتهنـَّا وتسود ........والدنيا ما عايزنـَّها
للجنة في يوم الشُّهود ....... أرواحــنا تب بايعنَّها
والبسمة بعد الهم تعود ........ للكانو جــد فاقدنَّها
وتتكسَّر أغلال القيود ..........نتفشَّى في الخايننَّها
وآ شوقي لي أرض الجدود ..أرضي المكندك منَّها
القمرة والنِّيل والورود ....... شالو السَّماح من دنَّها
النخلة والبان والرعود ..... بي كل شموخ واصفنَّها
والشـُّهدا في جنة خلود ......... بي أغلى دم ساقنها
يا أرضنا وأرض الجدود ...... يا الكلُّ يوم طارنَّها
لمتين تحن لينا وتعود .......ما نحن جــــــد راجنَّها
أنا ديمة بسأل في شرود ....... أنا ديمة بسأل عنَّها
يا ربِّي حافظالنا العهود ...... ولا الزمان شال حنِّها
دي الغالية ضوَّاية الخدود ...... يا ربِّي بس كيفنَّها
وكيفن بتخلف للوعود ........ المـن زمان حافظنَّها
خرطوم وعطبرة والنهود ....... أجمل حكاية بكِنَّها
جوَّة القرير أجمل بلود ....... لملم همومـــك وفِنَّها
جد بورسودان عزة وصمود .....وحليوة بالسَّاكننها
ما انت في الغالية العنود .......كل المـدن حاسدنَّها
يا عازة كلنا ليك جنود ....... يا الأصلو ما ناسنَّها
زي شتلة بالخيرات تجود .......بالحب دوام ساقنَّها
مسقيَّة بي موية الورود .... والناس هناك حارسنها
ومحمية من رباً ودود .... في فضلو ما خاب ظنَّها
دي السَّمحة ما بتعرف صدود ... ووفيَّة للزارعنَّها
ما عازَّة نوَّارة الوجود ......ما عازة هي العاشقنَّها
عدَّاد هواها دوام صعود .....جـــوَّة القلوب شايلنَّها
بس جاتها أيَّام لونها سود ....جـــد كنَّا خائفين منَّها
هجموها بالشر والجحود ..... أحزاب مكشرة سنَّها
في الفارغة فاتوها الحدود ..... خلُّو البلاوي يَجنَّها
الحرب والطبع الحقود .......الشـَّـــال جمالها وفنَّها
جهويَّة تحشد في الحشود ....... وفتن دوام شايفنَّها
السِّرقة والزول الحسود ......واللعبة جـت عارفنَّها
فترانة عازة من الشرود ....... والهــــم متوِّر جنَّها
لكن مصير ولدك يعود .....مــن غربة خائب ظنَّها
والدمعة تجري على الخدود..أصلو الجميع حابسنَّها
يوم داكا تتجدَّد عهود ........ والله مــــــــا ناسنَّها
نبنيها مستشفى وسدود ..... نثبت ندافـــــــع عنَّها
ونحميها في إقدام نجود .....والروح يمين مــابنَّها
بس عازة تتهنـَّا وتسود ........والدنيا ما عايزنـَّها
للجنة في يوم الشُّهود ....... أرواحــنا تب بايعنَّها
والبسمة بعد الهم تعود ........ للكانو جــد فاقدنَّها
وتتكسَّر أغلال القيود ..........نتفشَّى في الخايننَّها
وآ شوقي لي أرض الجدود ..أرضي المكندك منَّها
