بابكر محمد خير «كتاب رحال»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «كتاب رحال»


    الناس ورا درب القروش تنجارا والعقل إنسلب
    والرزقو مكتوب فى مكان يلقاهو كان نثروه حب
    سافرت شايل أحلامى جيت فى بالى قت أشوف عجب
    برضاكى إستأذن مشيت من العلى انا ما هرب
    وأنا كت بحلم من صغير وبالرملة أبنى قصور قبب
    وأرسم فى مستقبل جميل فى الحصة فوق ضهر الكنب
    ياعاشه ما كت راضى يوم أنا ابقى فى الناس الضنب
    والصندل الغالى النفيس فى بلدو واقودا حطب
    مابرضى أعيش بينكم فقير تعكر حياتى بلا سبب
    وأرض الله واسعى بلا حدود ما جاها زول حاشا وزرب
    العيشتو بينات القصور ماب يركب الدرب الصعب
    وزول يلقى رزقو بلا شرور ماظنى يختار التعب
    الإيدو فى موية الغدير ماب يعرف الحر اللهب
    والنومو ديمة على الحرير كيف يقبل النوم فوق خشب
    ست ريدى يا حبى وهناى يا بت ملوك النيل حسب
    لليلى ماخاب ظنى فيك عاد أبقى عشرة على الترب
    مكتوم اناجيك كل ليل فى اللحظة فكرى عليك سرب
    محروم من الحب والدليل زاد شوقى جواى وإلتهب
    عاض الصبر شايلى شيل والدين على ضهرى إنكرب
    شانكن رضيت انا بالقليل والعيشى من فول العلب
    إتغير النسم العليل يا عاشه وإنقطع المصب
    وإتبخر الامل القبيل إتلاشا شالو الريح ذهب
    أضحيت مدور فى الفراغ خفيت وزنى انا كالقصب
    فى الغربة عاد الحال كئيب يا عاشه والرزق إنحلب
    عاد حالى ما يسر لى عدوى لايرضى زولا لى احب
    أنا جاى صاد لى دار ابوى أديك كلامى المغتضب
    جاييك يا عزى وهناى سامحينى وأرفعى للعتب
    جاييك ما عاين وراى قدامى لى ماضيى حجب
    جاييك بدر ياضناى لى مافى إنسانا غصب
    جاييك قرر بى رضاى قالو الرحيل عز العرب
يعمل...
X