بابكر محمد خير «البسوس»

[ضيف]

كيف يرضوبنا ديل وما ارضو نبينا موسي
ونحن الاولي بي كل الرسل لا عيسي
لات عير يا لبشير ناس بالحقد مهووسا
ولاشيل هم كتير عندك رجال محسوسة
قال سادات امم قسما نعاجا تيوسا
ديل عقاب وهم ومعالمن مطموسا
قاموسنا السلام وهي الحروب قاموسا
عيشتنا الوئام وبينن فتن مغروسا
نياتم حقيرة وفي البذخ مغموسا
نياتنا الطيابة وبالقيم محروسا
اخلاقن خرق اخلاق اليسا ونوسا
هدامن طرق فوق الحريم ملبوسا
بياعين فتن في كل مكان جاسوسا
والسقدي ام نتن جات في المضارب سوسا
خلهم اليجو مارينزهم وتكسوسا
في الخرطوم يسيحوا نقشرم زي كوسا
ونوريهم مكان آل غور مدلا رؤسا
ان جات المشاكل لا تخاف كابوسا
انكبست عليك ماراح تجيبا تكوسا
لبيك يا لبيب بالحكمتك مدروسا
يا ود الرجال النزوتتم محبوسا
ان كروا العلوج حرم نصوطا نعوسا
ليك علي يمين راكعين رجولنا تبوسا
هم عاشقين حياة وطالبين صفاها وبوسا
وديل عاشقين ممات لي الله بايعي نفوسا
مرحب بالحرب مرحب كمان بدوسا
ومرحب بالعصار الجات يدق ناقوسا
شرا جانا ما بنجفل نصيرلوا عبوسا
ومابنحذر نخاف من قوة مكسور قوسا
قدامنا العراق مثلا عريق في الحوسا
عاتيات الجيوش في الواطة طب مدفوسا
ايه معني الحياة وكتين تكون منحوسا
وايه معني الرفاة وكت الكرامة ندوسا
حاشا وكلا من اقوام مكتري روسا
حاشا علينا مابنتاذي من ناموسا
بنقاتل نصون شرف البلاد وعروسا
ارتال في صفوف واقفات امام نادوسا