عبدالله محمد خير «حديثك شوقنا ليك»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عبدالله محمد خير «حديثك شوقنا ليك»

    حديثك شوقنا ليك قلنا اى حديث نسمعوا
    قلنا أصلك ما بتريدنا ويلا قلنا قوموا ارجعوا
    انحنا جيناك وقصدنا كان الله شملنا بيك يجمعوا
    لو يدور يفرق بينا زول لا نبارى ولا نتبعوا
    تبقى دنيانا هناء وسرور ضمه عرق الشك نقلعوا
    نزرع الريد فى كل دار نسقي لما يفرهد خدار
    لما شوقنا يفرهد ثمار نحن اول ناس نفرعوا
    ده كان امانيه من الحنان يروى ينهل من منبعوا
    والفضول الفى عيونك عاش فيك بعد الجوع يشبعوا
    سابو لى شيطانوا اب قرون تلقى بعد الناس يهجعوا
    يكتب الأشعار فى هواك ماعرف زول ابدا سواك
    كان وقيعك وبقى فى هواك إلا ضربك آه اوجعو
    فرَّ ا بسمك شلعن بروق رغم انف الضو يلمعو
    فرَّا فرَّا وفرح قليب فيك خاب املو ومطمعو
    ينسى فى بسماتك عذاب ينسى آهاتو وادمعو
    ينفضح فى لجج الصباح ينبسط بى طعن الرماح
    اصلوا فى ريدو قمح قماح سدا باب الريد شمعو
    آيه فى رقصك يا جميل لمن إيديك يتفدعو
    وصدرك الدافر حبتين لمن يهتز يبدعو
    الدارة فيها براك صول وجول فى الرقيص ورينا الأصول
    خلى كل الناس فيك تقول الما بتلحقو جدعو
يعمل...
X