تويت
الحنين ودانى جيـت بالساقـى سـادر
قلت انشد ناساً عن زولـى المسافـر
الحفير شوف عينى يبكى معاى يكابـر
دمعو جدول جـارى لبيتكـم مجـاور
قال لى وين ما بنت طول ماك ظاهـر
دار اجيكم قلت لو كان لاقـى خاطـر
كانت الأيام حنـان بالحيـل نواضـر
الله يلعن حظى شوم يا اخوانا عاسـر
لى محل اللقيا سقـت خطـاى ازاور
استعيـد الماضـى اتعللبـو صـابـر
احضن الأغصان واهيم فى وهم سادر
وحدى تحت المنقه للأحزان مصاقـر
مالـو خلانـى مـا يكتـب يخـابـر
بس لعلو المانعو خير وكتـر بشايـر
ناس فلان قالو لى طاريك ديمه ذاكـر
بغرامـك قلـبـو ديـمـه وعـامـر
لابس الأخلاص حرير وهلال واساور
قلدو فوق عنقو اكليـل مـن آزاهـر
آآه تقاليد ريفنا يا البـو مـاب تشـاور
نحن سر مأساتنا بتنـا قـولا قاصـر
برضى بمحبوبتى مهما كـان بفاخـر
زولتى خلقت منى زول فنان وشاعـر
من جراحى ونوحى والأذى والدرادر
من جحيمى الفيهو مرمى كأنى كافـر
من ضياء القمر البيشق الليـل يدافـر
من حسيس طنبور يرن فى روعه يناقر
من فؤادى وروحى من آخـر وآخـر
بهدى اجمل شعرى لؤلؤ در جواهـر
قلت انشد ناساً عن زولـى المسافـر
الحفير شوف عينى يبكى معاى يكابـر
دمعو جدول جـارى لبيتكـم مجـاور
قال لى وين ما بنت طول ماك ظاهـر
دار اجيكم قلت لو كان لاقـى خاطـر
كانت الأيام حنـان بالحيـل نواضـر
الله يلعن حظى شوم يا اخوانا عاسـر
لى محل اللقيا سقـت خطـاى ازاور
استعيـد الماضـى اتعللبـو صـابـر
احضن الأغصان واهيم فى وهم سادر
وحدى تحت المنقه للأحزان مصاقـر
مالـو خلانـى مـا يكتـب يخـابـر
بس لعلو المانعو خير وكتـر بشايـر
ناس فلان قالو لى طاريك ديمه ذاكـر
بغرامـك قلـبـو ديـمـه وعـامـر
لابس الأخلاص حرير وهلال واساور
قلدو فوق عنقو اكليـل مـن آزاهـر
آآه تقاليد ريفنا يا البـو مـاب تشـاور
نحن سر مأساتنا بتنـا قـولا قاصـر
برضى بمحبوبتى مهما كـان بفاخـر
زولتى خلقت منى زول فنان وشاعـر
من جراحى ونوحى والأذى والدرادر
من جحيمى الفيهو مرمى كأنى كافـر
من ضياء القمر البيشق الليـل يدافـر
من حسيس طنبور يرن فى روعه يناقر
من فؤادى وروحى من آخـر وآخـر
بهدى اجمل شعرى لؤلؤ در جواهـر