حسن خندقاوي «بحبك يا وطن شامخ»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حسن خندقاوي «بحبك يا وطن شامخ»

    عشق الوطن

    بحبك ياوطن شامخ بحب توتيل
    بحبك ياوطن ممتد بطول النيل
    ومن اعماقي برسل ليك
    كلام سوداني دمو اصيل
    لانك عزة اجدادي الحموك قبيل
    زمن دقنة وابوعنجة وبت عبود واب قرجة
    بحبك ياوطن اكتر علي رنّة وتر طمبور
    يغني غناك من حلفا لغاية بور...
    ولسه هواك بزيد جواي
    وبرسل ليك حروف من نور
    اشيلها معاي اسافر بيها في الافاق
    واحلق في سما الاوطان اوريهم شنو السودان
    وكيف كانت جيوش شيكان
    عواصف هادرة زي بركان
    وكيف اتحطم الطغيان
    ولاح فجرك
    صرت حقيقة ياسودان
    صداها يزيد مدي الازمان
    وتمشي تطول ومابتقصر
    وانت الشامخ الاكبر
    وبيك اتباهي بيك افخر ...




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X