محمد علي أبوقطاطي «سوات العاصفة»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محمد علي أبوقطاطي «سوات العاصفة»

    سوات العاصفة بي
    ساق الشتيل الني
    وفعل السيل وقت يتحدر
    يكسح ما يفضل شي
    دا كان حبك وقت حسيتو
    شفت الدنيا دارت بي

    وقت شفتك ..
    شعرت الرعشة من صوف راسي
    لي كرعي
    ومن الساعة ديك السمحة
    ولع فيني جمر الغي
    كتمت الريدة ما شافوها
    ناس الحي
    وقلت الجنة انشاء الله
    ما يقسى دروبها علي

    ونجم الليل
    منو العداهو غيري
    وسافر بي خيالو هناك
    صنقر فوق سحاب الري
    بنيت في الموج قصور آمال
    ومديت للرهاب إيدي
    وشديت سرجي فوق الريح
    عشان ألقاك
    بدور أطوي المسافات طي

    صعيب وصفك
    لأنك هالة كلك ضي
    وفوقك هيبة واجمل قامة
    واسمح زي
    جمالك في البنات معدوم
    شبيهك ما كحل عيني
    أقدلي ..
    وسكتي الخشامة
    وانزلي في العواذل كي




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X