تويت
سرى ذات ليل وطن
شقت تلوتو الصاقعة
جرى فى النيل تجاهنا
لقانا موجة دامعة
قصّ دروبنا شال
ظرف الرسايلْ الراجعة
دسّ العود نغم بان
فى سمانا السابعة
خطوتو كم مشت
وأدت جوابنا الطابعة
يستلمو النهار
تقراهو نخلة مرابعة
تلاته عيون تشوف
من وين محنتو نابعة
ماشيك الوطن
دسدس مسامعو وغنى
شفا من المطر
كيف الكلام فى الصنّه
كيف ورق الشدر
يكتب عصافير جنة
وليه وتر النهار
شدّ العصب فى الرنة
وكيف خنا النشيد
دسينا بابو قفلنا
يا نبى فى فجُر
وصّل رسالتو أملنا
طاف مدن النعاس
بى قدرتو اتكاملنا
دقينا الطبول
غابات شجونو دخلنا
جيت فى وكت بعيد
ما صُلنا فيهو وجُلنا
جيت فى زمن وجوه
ما بتعلن المحفوظ
جيت والشوق قِسمْ
والحظوة للمحظوظ
جيت والريد ملح
فى خشْمْ ليل مغيوظ
حتى قطن بلدنا
أبا إشتعال اللوز
وبقى ياخد طريق
لى مخدة الطاغى
......
يا فالت من الزمن
الولد كيمان
لو ساويت معنى الجُرح
بمعنى الوحلة فى الإمكان
حنلقى بلد من التاريخ
وتسقى حلمنا
فيض سابع بحر شرقان
وتفتح فى معانى الرحلة
كيف القافلة تلقى زمان
تمد إيديك
يترسم الوجود بالنية
تنسج توب رحيل ألوان
كفوفك تسقى
نغم الإنعتاق ترنيم
يهب من تالا روحنا نسيم
ونلقاك فى الجبل والوادى
فى النهر العظيم وقديم
فى جرف الغنا الممدود
على صدر الحرِفْ والغيم
أبيت ترجانا نحن وقفنا
ضللنا الرصيف ياقوت
أبيت تتخلى عن مبداك
وتدّى شرف جموعنا الموت
شفناك والصباح عرقان
تفل إيد الوداع وتفوت
وتفتح فى الصدى الشباك
وتفرح يوم يصلنا الصوت
وديكا بيوت
معلبه فى وطن بردان
معلقة فى كتاب مغلوط
امانة عليك تصلنا بعد
تصل لى مكانك الشاهق
عشان تسمع أسفنا الناهى
عن منكر وقوفنا كسل
امانة عليك وصل روحك المرسال
قبُلْ مركب على الله تصل
غنانا الكان بيحدر ليك
بوصف السمحة جيد وكفل
وانت تغنى فى أبعاد
ونحن بلاد خيالا أفل
جوابنا مغرّق إستفهام
سؤالنا وسط سؤالو سأل
شقت تلوتو الصاقعة
جرى فى النيل تجاهنا
لقانا موجة دامعة
قصّ دروبنا شال
ظرف الرسايلْ الراجعة
دسّ العود نغم بان
فى سمانا السابعة
خطوتو كم مشت
وأدت جوابنا الطابعة
يستلمو النهار
تقراهو نخلة مرابعة
تلاته عيون تشوف
من وين محنتو نابعة
ماشيك الوطن
دسدس مسامعو وغنى
شفا من المطر
كيف الكلام فى الصنّه
كيف ورق الشدر
يكتب عصافير جنة
وليه وتر النهار
شدّ العصب فى الرنة
وكيف خنا النشيد
دسينا بابو قفلنا
يا نبى فى فجُر
وصّل رسالتو أملنا
طاف مدن النعاس
بى قدرتو اتكاملنا
دقينا الطبول
غابات شجونو دخلنا
جيت فى وكت بعيد
ما صُلنا فيهو وجُلنا
جيت فى زمن وجوه
ما بتعلن المحفوظ
جيت والشوق قِسمْ
والحظوة للمحظوظ
جيت والريد ملح
فى خشْمْ ليل مغيوظ
حتى قطن بلدنا
أبا إشتعال اللوز
وبقى ياخد طريق
لى مخدة الطاغى
......
يا فالت من الزمن
الولد كيمان
لو ساويت معنى الجُرح
بمعنى الوحلة فى الإمكان
حنلقى بلد من التاريخ
وتسقى حلمنا
فيض سابع بحر شرقان
وتفتح فى معانى الرحلة
كيف القافلة تلقى زمان
تمد إيديك
يترسم الوجود بالنية
تنسج توب رحيل ألوان
كفوفك تسقى
نغم الإنعتاق ترنيم
يهب من تالا روحنا نسيم
ونلقاك فى الجبل والوادى
فى النهر العظيم وقديم
فى جرف الغنا الممدود
على صدر الحرِفْ والغيم
أبيت ترجانا نحن وقفنا
ضللنا الرصيف ياقوت
أبيت تتخلى عن مبداك
وتدّى شرف جموعنا الموت
شفناك والصباح عرقان
تفل إيد الوداع وتفوت
وتفتح فى الصدى الشباك
وتفرح يوم يصلنا الصوت
وديكا بيوت
معلبه فى وطن بردان
معلقة فى كتاب مغلوط
امانة عليك تصلنا بعد
تصل لى مكانك الشاهق
عشان تسمع أسفنا الناهى
عن منكر وقوفنا كسل
امانة عليك وصل روحك المرسال
قبُلْ مركب على الله تصل
غنانا الكان بيحدر ليك
بوصف السمحة جيد وكفل
وانت تغنى فى أبعاد
ونحن بلاد خيالا أفل
جوابنا مغرّق إستفهام
سؤالنا وسط سؤالو سأل
