تويت
كـوسـى لـى الخــــلاص
كوسي لي الخلاص من بدري في حبك ترانـي غــرق
عارف نفسـي مابلقـــــــــــاكي سـاكت فيـك متعـلق
قالوا الدنــيا يامحــــبوبة تجمـع يوم ويوم تفـرق
بس نان مالا مابتجمــــعنا والله ده ماهو متحـقـــق
صـــح ماليها أمان واللــه لي مضـيقي المشِـــــــقّ
مادالي اليمين تضحـك لي وبي إيـدا الشـمالي تعـق
هـــاك شكوايا يا محبــــوبة لو قلبك علي يــــــــرق
ديل أربـع سنين متــواري من محني وشقاي ما فق
خوفي شقايا قبل ألقــــاكي يمحق لي عميري محـق
وأجيك ساير علي الأكتـاف عزب لا حني لا جــرتق
آه من دنيــتي وأقــــدارها ينصـبـقن علي صـــبـــق
وساقة الهم تسوق في راسي تتعــــاقب بلا تتـــــــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــــرق
ساعة الناس تنوم تتهـــني والعين للمنـام تســــــرق
ألقي رويحتي فوق المـــلي شقيش ما انقلب بي شـق
الله من عبرتاً ســــــــــادي وارداً للقليب بتشـــــــــق
والله من دموعـــــاً نازلي ينجــارن بلا ميرتـــــــق
دار انساكـي عــــارف قلبي للغير حــبو ما بطـلـــــق
منك لو أموت كل لحظــــــة بالريد قلبي ليك يخفـــق
ما بنساك عشان كملت صبري ولي حدودو لحـــــــق
إلا الريد تعقبو عــــــــدواة وليكي أنا من عدواتو شفق
كوسي لي الخلاص من بدري في حبك ترانـي غــرق
عارف نفسـي مابلقـــــــــــاكي سـاكت فيـك متعـلق
قالوا الدنــيا يامحــــبوبة تجمـع يوم ويوم تفـرق
بس نان مالا مابتجمــــعنا والله ده ماهو متحـقـــق
صـــح ماليها أمان واللــه لي مضـيقي المشِـــــــقّ
مادالي اليمين تضحـك لي وبي إيـدا الشـمالي تعـق
هـــاك شكوايا يا محبــــوبة لو قلبك علي يــــــــرق
ديل أربـع سنين متــواري من محني وشقاي ما فق
خوفي شقايا قبل ألقــــاكي يمحق لي عميري محـق
وأجيك ساير علي الأكتـاف عزب لا حني لا جــرتق
آه من دنيــتي وأقــــدارها ينصـبـقن علي صـــبـــق
وساقة الهم تسوق في راسي تتعــــاقب بلا تتـــــــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــــرق
ساعة الناس تنوم تتهـــني والعين للمنـام تســــــرق
ألقي رويحتي فوق المـــلي شقيش ما انقلب بي شـق
الله من عبرتاً ســــــــــادي وارداً للقليب بتشـــــــــق
والله من دموعـــــاً نازلي ينجــارن بلا ميرتـــــــق
دار انساكـي عــــارف قلبي للغير حــبو ما بطـلـــــق
منك لو أموت كل لحظــــــة بالريد قلبي ليك يخفـــق
ما بنساك عشان كملت صبري ولي حدودو لحـــــــق
إلا الريد تعقبو عــــــــدواة وليكي أنا من عدواتو شفق
