تويت
المــلامـه
الشاعر/ إبراهيم إبنعوف
غناء: عبـد القـيوم الشـــريــــف
إتغيرت أنا أتغير ؟! محال يا روحي أنا اتغير
وحاتك إني لا حبيت ولا يوم في سواك فكر
***
خطاباتك تعاتبني وأتوه في سطورها إتحسر
علي الأمل البنيتو عليك وعمري الخايفو يتودر
وأكتب ليك عشان أرضيك أقبل لومي وأتعذر
وألوم في قلبي ليه ينساك وعارفو قليبي ما بيقدر
***
كيفن هان علي أنساك وأنسي العشرة وإتنكر
وكيف يجفاك قليباً لي بعد في حبك إتوكر
أصبح كل مناي ألقاك أفرح وخاطري بيك ينسر
ودرباً في العمر سرناه نحن وياك نفرشو زهر
***
أريت ليلاً يشيلني معاك لي بلداً بعيده سفر
بلداً لا في زول طلاها لا زولاً يجيبلو خبر
ووكت الليل يعم الكون وفوق لرباه يتحكر
يسدل من ضفايرو السود وإتوسد ضفايرو أسهر
***
أجمع من نجومو الشاردة أنظم ليك عقود ودرر
وأهديك من رياض أشواقي باقات من ورود وزهر
أقولك شوفي يا محبوبة روضنا بعد يباس إخضر
ونسمات الصباح طلت تعانق زهرو تتعطر
***
تخاف الليل حكاوينا ونضمها في عناق وسمر
وتنسج توب أماسينا تظرزو من غنانا صور
نعاين في البعيد نجمات نشد فوقن قليبي وتر
وأعزف من ربابو نغيم زمان كان بيه يتأثر
***
بسمايتك تطمني ويزيد بيها الأمل .. يكبر
***
وعيونك تلهب الأشواق وداخل قلبي تتفجر
وأتوه أنا في ظلام ليلاً تهبو النسمة يتبعثر
ويتماوج أمام عيني يظهر من خلالو قمر
***
أودع همي بي رؤياكي لا أحزن ولا أتكدر
وأعاهدك إني أصون حباً نما وبين الضلوع خدر
أحس إنو الزمن صافاني قربك وليّ إتأخر
وأشعر إني نلت سعادة قبلي أنا ما لقاها بشر
الشاعر/ إبراهيم إبنعوف
غناء: عبـد القـيوم الشـــريــــف
إتغيرت أنا أتغير ؟! محال يا روحي أنا اتغير
وحاتك إني لا حبيت ولا يوم في سواك فكر
***
خطاباتك تعاتبني وأتوه في سطورها إتحسر
علي الأمل البنيتو عليك وعمري الخايفو يتودر
وأكتب ليك عشان أرضيك أقبل لومي وأتعذر
وألوم في قلبي ليه ينساك وعارفو قليبي ما بيقدر
***
كيفن هان علي أنساك وأنسي العشرة وإتنكر
وكيف يجفاك قليباً لي بعد في حبك إتوكر
أصبح كل مناي ألقاك أفرح وخاطري بيك ينسر
ودرباً في العمر سرناه نحن وياك نفرشو زهر
***
أريت ليلاً يشيلني معاك لي بلداً بعيده سفر
بلداً لا في زول طلاها لا زولاً يجيبلو خبر
ووكت الليل يعم الكون وفوق لرباه يتحكر
يسدل من ضفايرو السود وإتوسد ضفايرو أسهر
***
أجمع من نجومو الشاردة أنظم ليك عقود ودرر
وأهديك من رياض أشواقي باقات من ورود وزهر
أقولك شوفي يا محبوبة روضنا بعد يباس إخضر
ونسمات الصباح طلت تعانق زهرو تتعطر
***
تخاف الليل حكاوينا ونضمها في عناق وسمر
وتنسج توب أماسينا تظرزو من غنانا صور
نعاين في البعيد نجمات نشد فوقن قليبي وتر
وأعزف من ربابو نغيم زمان كان بيه يتأثر
***
بسمايتك تطمني ويزيد بيها الأمل .. يكبر
***
وعيونك تلهب الأشواق وداخل قلبي تتفجر
وأتوه أنا في ظلام ليلاً تهبو النسمة يتبعثر
ويتماوج أمام عيني يظهر من خلالو قمر
***
أودع همي بي رؤياكي لا أحزن ولا أتكدر
وأعاهدك إني أصون حباً نما وبين الضلوع خدر
أحس إنو الزمن صافاني قربك وليّ إتأخر
وأشعر إني نلت سعادة قبلي أنا ما لقاها بشر
