تويت
زغـــــرودة
زغردي يمه في البلد البعيدي .. جابو لي وليد والليلة عيدي
***
أنا الراجيهو زمناً مو قريب .. أشوفا طفولتي في وجه الرحيّب
دا ماهو الأبله الدايماً مغيّب .. عشا أماتو قنّاع أم سبيّب
***
ولداً لي أبوه يكون ضراعو .. يا سلام في روقته وأخلاقه وطباعو
يرجّع لي سنيني المني ضاعو .. كلامو اليجبر الزول لاستماعو
***
ماك الصار وشيهو ويوت مكشّر .. ومن المده كفك ما بيقصر
عشيمك تلفا في اليوم المعسر .. وتصبح وتمسي فوق خيرك تبشّر
***
إنت نسل الما بيضيمولن ولايه .. ناس الفاتحي واللوح والدوايه
خلاويهن معمره بالتلايه .. ومريضن يشفوا بي رشة محايه
***
جدودك في الفتيح راقدين سويه .. وأبوك ود موسي هوان البله
أبوك الكنّيابي أسد البنية .. وأماتك غبيشي بتد رويه
***
يجوك من أوسلي قاطعين الفيافي .. يقولوا ولدنا ما دلا وعوافي
فوق راسك يذكروا أسم الله كافي .. وجسيمك يمسحوا ويملوهوا عافي
***
تكبر أنت ياعكاز عمايا .. وراكوبة مقيل ضلي وضرايا
تخلفلك عشرتولاد صبايا .. تعيش المية مية .. ومية جايا
زغردي يمه في البلد البعيدي .. جابو لي وليد والليلة عيدي
***
أنا الراجيهو زمناً مو قريب .. أشوفا طفولتي في وجه الرحيّب
دا ماهو الأبله الدايماً مغيّب .. عشا أماتو قنّاع أم سبيّب
***
ولداً لي أبوه يكون ضراعو .. يا سلام في روقته وأخلاقه وطباعو
يرجّع لي سنيني المني ضاعو .. كلامو اليجبر الزول لاستماعو
***
ماك الصار وشيهو ويوت مكشّر .. ومن المده كفك ما بيقصر
عشيمك تلفا في اليوم المعسر .. وتصبح وتمسي فوق خيرك تبشّر
***
إنت نسل الما بيضيمولن ولايه .. ناس الفاتحي واللوح والدوايه
خلاويهن معمره بالتلايه .. ومريضن يشفوا بي رشة محايه
***
جدودك في الفتيح راقدين سويه .. وأبوك ود موسي هوان البله
أبوك الكنّيابي أسد البنية .. وأماتك غبيشي بتد رويه
***
يجوك من أوسلي قاطعين الفيافي .. يقولوا ولدنا ما دلا وعوافي
فوق راسك يذكروا أسم الله كافي .. وجسيمك يمسحوا ويملوهوا عافي
***
تكبر أنت ياعكاز عمايا .. وراكوبة مقيل ضلي وضرايا
تخلفلك عشرتولاد صبايا .. تعيش المية مية .. ومية جايا
