دمــــــــــــــــــــوع وألم

دموع والم ،،،،، حروف وقلم
تولَّد من مواجعـــــــي نغم

ظروف وقِسَم رضيتا قَسَم
عشان عشمان اطيب واسلم

وياما كم مآسي ودم
يضوقا الزول وما اجرم

انين وسقم نحيب وندم
قلوباً من فرح تحرم

قليب يَفرِِح ومايُكرَم
وكل الهم بيبقي وهم
اذا ردنا العمر من جم

لساني نضم شكر ماذم
برغم الفرحة ليهو عدم

قليبي كتم مواجعو بسم
عزاهو تضوق سنينو طعم

شعوري حسم قرارو عزم
حياتو علي السعادة رسم

بقت مأتم حياة الغم
حياتي سرور وسورا قمم

برغم سهم صدودو هدم
امل قلبي الحظوظو سجم

خيالي حكم اجر النم
علي الفرح المصيرو اللم

تراني جزم دموعي ال يم
اجففا لاحُزُن لا ضم

اعيش وانعم سعادتي التم
ترفرف في سمايا علم