واحد بإسم الحب يجرح مشاعر الناس { موسوعة أغاني الطنبور }

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واحد بإسم الحب يجرح مشاعر الناس { موسوعة أغاني الطنبور }

    اسم الحب

    واحد بإسم الحب*** يجرح مشاعر الناس
    في إيدو وردة ريد*** وفي داخلو مافي إحساس

    ياحليل زمن عشقاً*** وافي وجميل وعفيف
    سهر الليالي حليل*** وكتين يمر الطيف
    الليلي امسى سراب*** وبقى زي سحابة صيف
    لا رامي ضلاً زين*** لا راوي حتى يباس

    جرح الغرام والريد*** بقى موضه في الساحات
    واحد يجد أوفى*** والتاني قضى أوكات
    من فد طرف مادام*** لابد يبقى رفات
    ولابد قلوب الناس*** يتملكا الوسواس

    يحتفلو عيد الحب*** يضوو الليالي شموع
    بين بسمه باهته وغش*** في آخرو يجنو دموع
    لما المحب يخلص*** ورفيقو يبدا رجوع
    سقف الامل ينهال*** شان كان ضعيف الساس

    لابسين قناع الحب*** شايلين كُتُب واوراق
    متماسكي الليدين*** في السكي والاسواق
    يارب شموس الغيره***ماناوي للاشراق؟
    وياحليل مثل اجدادنا***وقيماً بقت تنداس

    بتقولّو ياالمحبوب *** ارجوك شوف صرفي
    بيقولها آ محبوبه *** عارفاهو زين ظرفي
    بتقولّو اريت انشاءالله*** لوحتى كان عُرفي
    ومن غير يحسو بيلقو***الفاس وقع في الراس

    مادام شبابنا بقو *** من ضلله لي ضلله
    يملو الفراغ كيفن*** راماهم العطله
    رغم العلام الكان*** بس لسه هم جهله
    وطالا اصلو مافي عزايم*** شن يجدي علم الراس

    ماتت عزايم الناس***من قِلة الشغله
    لا دخل لا إيراد *** لاطين ولا نخله
    وطالا السحاب ماسك*** امطارو ماهطله
    لابد جيوب الناس*** يتكندكن افلاس

    بس برضو رغم الكان *** الريد طريقو برا
    طعم الخيانه متل*** سم في دماكا سرا
    وزي توها في الهجار***مابين سهول وعُرا
    وتشوف من الويلات***اصناف وكم اجناس

    اصل العشق والريد***ماهو الكلام والقول
    الحب وفا وتحنان *** واحساس يغمر الزول
    لو لحظه باعدت***بتشوفا زي الحول
    وفي اللقيا لو محزون***الدنيا تبقى اعراس




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X