صندل فرحنا

مبروك ليك طعم النجاح
والكان قريب من يومو لاح
راجيك كان اصلو التفوق
وصبرا جميل فوزا رباح
أشرقتي نور هليتي
عيدا زي صباح
يا عبق عطر حياتنا
صندل فرحنا الليلة فاح
يا عواطفنا الرقيقة
يا نية صافية ويا سماح
لي جدودك تاج معزة
لفحتي اهلك بالوشاح
مبروك ليك طعم النجاح وانتي
دايما في سعادة وارتياح
مركب تسير برعاية
الله و لا عواصف لا رياح
محروسة وكلنا القدير
في مقامك وغدوك والرواح
يا عواطفنا الرقيقة
يا نية صافية يا سماح