عشان حاريين نرد الدين

عشان حاريين نرد الدين
نكرم شخص ونور العين
وقفنا الوف نشيل فضل الله
وفضل منك جوه القلب وجوه العين
جميلا زي جمايل ليك رقيق ولطيف اديب ورزين
حليم وحكيم نصوح وشفوق
وسيف الحق حديد وسنين
صبوح صادح كلم طيب
امير الحوبة والزينين
واصل القربى والارحام
جسور الخوة والاصلاح لذات البين
عشان حاريين نرد الدين
نكرم شخص عزيز وثمين
منو القال ليك قدرنا نوفي
او كفينا وكم عاجزين
قريرنا لسانو يشكر فيك
بالحوبة ويدق نقارتو ود صابرين
ودفع الله جر النم وود عثمان
سوا قصيد وعزف مامان نغم وحنين
سليل احمد وليد امو
ترب بلياب كنزي خزين
تبر طاهر اصيل
نادر صدوق وامين
عشان حاريين نرد الدين
بتشهد ليك قدس دينا وام نورين
وهبت حياة العلم للدين
وحاشا السيرة من الشين
قبس من نور فيض الخير
شرع السنة وشرع الدين
يفخر بيك قرير شايق وبابكراب
عموم وخصوص وام بيتك والأختين
عشان حاريين نرد الدين
بقينا بعيد وكم عاجزين
عشان حاريين نرد الدين
عميق الشكر وكتاب الدين