سلمى ياك قرة عين

واقول : ياك قرة عين

يا فرح زغرد وبشر
بالعديلة وزين ليك سلمى
ويا حزن سنوات تخدر
تبقى أملا زح ضلمة
عشان عطوفة تفرح
في جنان فردوس وجمة
نذرف الدمع المعطر
بسعادة وانشود ونمة
بي جديدك دربك اخضر
في حضورا باهي لمة
كل زول شارك حبابو
وكل غايب لا ملامة ولا مذمة
في حنان خالات يحضنوا
وفي قلوب أعمام وعمة
الخير فيهو البشارة
للفرح الشال وعمً
ياك قرة عين عزيزة
ولي ابوك شال وعمة
يا فرح زغرد وبشر
بالعديلة وزين ليك سلمى