خيال اماتنا

بدور إتباكا إتمرغ في خيال أماتي يوماتي

آه لو ضمة في صدرا أنا وأحزاني ما خاتي

بتول يا حكمة الوالدة حواك من ألمي وآهاتي

وزينب الوالدة للطيب ودمك قطرة من ذاتي

وعافية محنتك تسري تغشى الغادي والآتي

وبت حاج محمد وبت بابكر حليله اليكي مشياتي

حليلكن يا حكاوي حنين يشيلن حزن عني ودميعاتي

حليل أمات السمح والزين يبشرن خير بضحكاتي

بدور أتباكا ,اتمرغ خيال أماتي يوماتي

اشكي اللوعة والاحزان وخوفنا الصبح عاتي

وقفنا برانا في السهلة زمانا بقالنا بعاتي

سير المحافض راح والجرم خلنو اخواتي

ودووام نطراك يا يمة زينوبة وحبوبة القسا الخاطي