شجرة سمحة وخضرة فاقعة تأسر العين بهجة زينة { موسوعة أغاني الطنبور }

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شجرة سمحة وخضرة فاقعة تأسر العين بهجة زينة { موسوعة أغاني الطنبور }


    يا حليلك يا شجرنا

    "

    "شجرة سمحة وخضرة فاقعة


    تأسر العين بهجة زينة
    واحد يسقي وتاني يديها
    السماد وتالت يمسح في جبينا
    شجرة ناعمة ترفل العز
    موية كابه ما بينضب تب معينا
    ناعمة تتنفس مكندش
    وجالسة في الفاظة المتينة
    لا نمل أو جراد في فروعا
    أو عنكبوت ولا نحلة بي طنينا
    لا غنم تاكل غصونا
    او سخيلة تقلع الصفقة السمينة
    شجرة سمحة وخضرة فاقعة
    تاسر العين وبهجة زينة
    ويا حليلك يا شجرنا
    ساكن الرملة الدقاقة وكل طينة
    وحتى في رأس الجبل
    وكل وادي وسهل اخضر والجنينة
    وشايل الطبع زي
    أهلنا شقيش نقبل أو مشينا
    انتو مننا ياهشاب ويا تبلدي
    ويا نخلنا البيهو تبينا وربينا
    شجرة سمحة خضرة فاقعة
    تأسر العين بهجة زينة
    شجرة تشرب موية الصحة أب
    قزاز ودي بيعشوها بي لبينة
    ويا حليلك يا شجرنا تشرب الموية الدميرة
    ولا من السيل زبد اغبش معاهو طينة
    وانت يا الشجر المرفه لا شفتي
    عاصفة ولا ريحا او حتى شينة
    وما حصل في يوم سمعتي
    طير بيشدو أو قمارينا الحنينة
    وما شفنا منك اي خير
    عشان نشيل نملا أطرافنا وايدينا
    وابقى سمحة وخضرة فاقعة
    تاسر العين وبهجة زينة

    ويا حليلك يا شجرنا





    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X