يا زينة....
انا لما القاك وين القى كلام
ما الشوق بيزغرد فى عينى وقليبى يدق اجمل انغام
حاسدننا ليه الناس يا (شوق) فى دنيا نعيشا وداد ووئام
مانحنا حياتنا الماضى احزان والدهر بلاك شايلنو صيام
ياريتو زمنا يقيف لحظات يتعطل سيرا خطى الايام
وياريتو سماك يمتد خريف يتلملم غيم يجمعنا غرام
ياواقفة على انا قاعد ليه زعلان من نفسى ده يبقى حرام
لكنو عزاى انو الاحساس والشوق واقفين حيوكى قيام
وعزاى فى انو القمر الغاب فى وجهك ضوى الكون بسام
مااصلو حياتى بلاكى هجير ضلينى شويه ابقيلى غمام
الشوق السافر فى عينيك داير يرسى وشالو الهدام
والبرق الشال من قبلى يلوح ماجانى دعاشو مع النسام
الحزن المنو مشيت لاقاى والفرحة على بتمر قوام
ببسم للناس من فوق غلبى وبى حالى البى الله علام
الدهشة تزيد كل ماالقاك مااقدر افرز كاف من لام
واشعر بى انى بعيد هيمان فى دنيا جميلة من الاحلام
البسمة تفرتق شمل جيوش وعيونك احدَّ من الصمصام
وانا بين( اليم ) والنار حيران وقليبى دوام فى البر عوام
يا محننة ايدى محنة وريد زودتى على قلبى الآلام
لمساتك كلها لهفة وشوق ونقوشك فى ايديا سلام
ياغالية اهواكى على كيفى لا فرض عليا ولا الزام
وراجيكى تكونى عشانى النور لو كل الدنيا بقت لى ظلام
انا لما القاك وين القى كلام
ما الشوق بيزغرد فى عينى وقليبى يدق اجمل انغام
حاسدننا ليه الناس يا (شوق) فى دنيا نعيشا وداد ووئام
مانحنا حياتنا الماضى احزان والدهر بلاك شايلنو صيام
ياريتو زمنا يقيف لحظات يتعطل سيرا خطى الايام
وياريتو سماك يمتد خريف يتلملم غيم يجمعنا غرام
ياواقفة على انا قاعد ليه زعلان من نفسى ده يبقى حرام
لكنو عزاى انو الاحساس والشوق واقفين حيوكى قيام
وعزاى فى انو القمر الغاب فى وجهك ضوى الكون بسام
مااصلو حياتى بلاكى هجير ضلينى شويه ابقيلى غمام
الشوق السافر فى عينيك داير يرسى وشالو الهدام
والبرق الشال من قبلى يلوح ماجانى دعاشو مع النسام
الحزن المنو مشيت لاقاى والفرحة على بتمر قوام
ببسم للناس من فوق غلبى وبى حالى البى الله علام
الدهشة تزيد كل ماالقاك مااقدر افرز كاف من لام
واشعر بى انى بعيد هيمان فى دنيا جميلة من الاحلام
البسمة تفرتق شمل جيوش وعيونك احدَّ من الصمصام
وانا بين( اليم ) والنار حيران وقليبى دوام فى البر عوام
يا محننة ايدى محنة وريد زودتى على قلبى الآلام
لمساتك كلها لهفة وشوق ونقوشك فى ايديا سلام
ياغالية اهواكى على كيفى لا فرض عليا ولا الزام
وراجيكى تكونى عشانى النور لو كل الدنيا بقت لى ظلام