علي شورة قال ”اللمانْ أخيرْ“
شعر محمد الحسن محمد سعيد (حسون)

يا ناس القريريا صباح الخيرْ
أسمعوا الحِكَمْ من درْفون صغيرْ
”علي شورة“قالْ:“اللمانْ أخيرْ

الزمن....زمااااااانْ...والبلدْ ”قري
و“علي شورة“كان....كان درفون صغيرْ
وفرخة الحِمّيرْ..با يتي في الشركْ
وميتي ما في شكْ
نازفي كلْ الد مْ....والنمِلْ مِتْلمْ
علي شورة جا....والعوينْ معا
بي بشيشْ بركْ.....وكسّرْ الجنحين
قرْقروا العوين
”آخرابا هويْ...هي دارْ تطير بي وين
الشي بايتي في الشركْ...وميْتي مافي شكْ
ونازفي كل الدمْ....والنملْ متلمْ
علي شورة...تمْ....أصلو ما نضمْ.
حتّا كل الريش.... ولملم العويشْ
وفجْفَجْ الواطة....ويللا معْفتا
والمسْكيني ديكْ لسا في الشركْ....وميتي مافي شكْ
قالّوا يا بخيتْ إنتََ جيدنْ جيتْ ..
أدني الكبريتْ
السلاتْ ضربْ....نحمدكْ ياربْ
علي شورة كَكْ...فرتكْ الشركْ
النجيض....مو بوم..قرْمشْ الحلقومْ
شانْ يكونْ ملقومْ
وبي بشيشى قال:
ياجماعةالخير...اللمانْ أخيرْ...اللمانْ أخير