انا مشتاق دوام ليكم ذاكر ماني ناسيكم { موسوعة أغاني الطنبور }

[ضى القمر]

ياصبيات اضريوا الكف

كلمات الشاعر محمد الحسن محمد سعيد (حسون )
من قديم اشعاره
عندما كان يدرس بمدرسة وادي سيدنا

من الوادي يا هلنا اهديكم سلامي كتير

انا مشتاق دوام ليكم
ذاكر ماني ناسيكم
حلو اشعاري بس فيكم
طاريكم كري و قرير....

دوب للسندس الاخدر
ريان من ندي الكوثر
لي الدفيق خلاص صفر
لي الطير للكريق نقر
لي الحاحاي اش حاح كر
لي مقد الجروف خدر
لي البرسيم نجض نور
لي الباجور فجر دور
لي الجدول بشيش سرسر
لي التربال قلع شمــر ...
لي الطين و العجاج و الحر ...

واقع في الارض كسير .....

لي الصيد في البحر والبر
لي الكانكين نتق قرقر
لي الطير للشرك دودر
لي الديك صاح صباح كبر
لي شيخنا العوض ينهر ...
حس صوطو الطويل ور ور
لي الحوار كتب سطر
لي التلميذ مرق بدر
صاقع للدحيش عر عر

ماهاب لا سقط لا هجير

لي ريحة العجين و الكر
لي البرادي تتدور
لي الكانون ملان قنقر
لي القرعة التعوم في الجر
لي الحور واردي تتبختر

بي جنب كبري حمد خير

اصلك يا القرير جنة
اتهنوبا يا هلنا
شوفو الريلة تتني

وفرحان فوق نخيلو الطير ....

ليلاتكم فرح وسرور
غنن يا بنات الحور
عثمان نقر الطمبور
يا صبيان اضربو الكف ...

وابشر ياعريس بالخير