شان فد كسر

عادا وخسرشان فد كسر وحالف يمين ما ينكسر
جاضع بعيد حق الرحم و مالص ردا الحيامتحسر
وطوريتو رافعا فى السمى و جنبو اليهوّب يتكسر
وباع ضمّتو وطين عمّتو ومأسوربها الاطماع اسر
وقفوا الاهل مستغربين لهفو العصى المابينجسر
زادت فسالتو شراهتو فايتى الحد اظنها فيها سر
ياربى ضايقابو الوسيعى وغلبتو الحيلى وعسر
ودايريفشفش لى مغوسو يخم حقوق الناس قسر

والعمده رسل لو ومشايخ الحلّى من كلّ الفريق
جاهم يغنىملان مريسى يزوزى يزرع فى الطريق
العمده قال لهم ,ابطحوا وادّوهوا علقة اكّان يفيق
وغرامه فوقا اتنين جنيه ويومين حبس والراس حليق
والواطه تاخداستهاوكان تانى جابداوالا سبب اى ضيق
والله بالكومرأرسلو مروى أرمى هناك مع الخيل والعليق
مالك تقالع فى الحقوق إيديىّ من عدو من صديق
قايل البلد سايبى وعلى كيفك تشيل وتحوم طليق

اكان صحيح ماهو البخل ترفع عصاك شان كم متر
وتقطع صلات ارحام موعيب شقيش تقبل وتتختر
ومالو ان قنع بى قسمتك كان حقك اتبارك وكتر
وكان الهلع فات من حداك وشيطانك الباريك يتر
وكان الحنان عمّ الديار وحبل الخلافات ينبتر
وكان زارك الخير والنعيم وكانت حوايلك تنستر
لكنّو ابليسك قوى وطمعك يقيف شوكة كتر

والله ماعلّق فى ابوك ماعمرو خاسم فى ارض
وماعمرو اتلاوح شراب وفى الخلوه ماأخّر فرض
وكان دينو مدّيهو الحيا وقدامى بلحيل زول عرض
وكان خت زول فى توبوا يدّى ومابيضيقبو ويعترض
ويبقالى من كترة شقاك انت وفعايلك ديل مرض
وسجّلك الحق شان براك ومحمول وكان هوبيفترض
انك تكون نافع الاهل ومو فار يقرض الناس قرض
مو دايمى ليك والخوف عليك وكتين تودع وتنقرض

امرك ده مابرضيلو زول عاد لامتين فى الحاله دى
ممقوت من الناس كلهم ووشّك بلا العمل الردى
وكل يوم مع الناس فى عراك وطوالى انت المعتدى
ومعلم الله بلا فهم ضايع وهم لاك دارتتوب لابتنهدى
وباقيلك الموت مابيجيك فكرت حدث نفسك المتمردى
والموت ده عندك مابيقيف ولوه جايى منك يبتدى
بس المهم زادالسفرلوجا القطرياك انت قمت كدى وكدى