ما فارقت دناك بي كيفى وعالم ربى مانى الجانى
باكى عليك شتاى وصيفى بى دمعى التراب رويانى
طولت ياوفــاق ما نمت عينى لى الصباح سهرانى
حــــالف باليمين مادمت غيرك مانى داير تانى
كنت دايرك تقيفى معاى فى افراحى فى احزانى
ما قايلك تزيدى شقاى واصبح من جديد وحــــــــدانى
بعـــــــــدك عندى كل الدنيا زى بيـــــــــت عنكبــــوت خربانى
شن فـــــــايدة جمال القيا فى باقى العـمـير الـفـــــــــــانى
غـيـــرك تانى ما بهتم كان كل الخلــــــــوق تعــبانى
او حــــــنت على الامــــــــــــة تـــــزرف فى دموعــة عشانى
لو كانت عــــــلئ اوليا بعــــــــدك تانى ما همانى
واحد عندى حـــــــــــــالى البئ كان اضحــــــــكنى او ابكانى
سارع ياجميل انت ارضا كيف افـــــــــرض عليك سلــطانى
بى الســـــــــــــوه لازم ارضا مـــــــــــــاطال الحكم عثمانى
من بعـــــــــدك كتير فكرت ارحــــــــــــل وما اســـــيب عنوانى
كان شــــــــــرقت او قــــــــربت الناس مايعـرفو مكانى
يازولا صغير فى سنو بى وجهو الوسيم والانى
خلا قليبى غصبن عنو بى الآم فراقـــو يعـــــــــــانى
دايما فى الخيال يبسملى يظهـــر لى عيونى عيانى
راجــــــــــى المولاء يقســـــــم لىئ قسمه بعد شقاى وهوانى
راجيك ياجميـــــــل الصـوره تبقة فراشــــة فى بستانى
تصبحى يا وفـــــــــاق عصفـورة قبل الشــــرقة بين اغصانى