محمد أحمد الحبيب «عابرة 1»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محمد أحمد الحبيب «عابرة 1»


    دست قلبى عشان وداعـك وجيت لقيت الناس حيــاره
    كم يشل فكــر الموادع فى الرصيف صوت القطاره

    لما سبتـى ايدكى لئ بي قويشاتها ورنينه
    كان اصابعك بين ايدئ بثت اشواقه وحنينه
    فى الرصيف قطرك يصفر فوق جحيم راجى الاشاره

    مرت الحظات وفتره فى الرصيف واقف براى
    طفت كل الماضى اطرى كل لحظاتك معاى
    فى الفواد الآمها حسره وفى الخيال احلام عذاره

    عابره غيرك مافى واحـه كت بلوخ فى ظلالا
    غيرعيـونك مافى راحه كلهن ياعـابره لالا
    زى سراب خداع بيظهر من شعاعات لي انكساره

    والسراب ياعابره صوره مويه ما بترجي العطاشه
    فيها الدنيا وحبوره يقتل النور الفراشه
    لما توهمى انو ذهره ترسي فى اوهام مناره

    وين حديثك يا امـانى وين عباراتو الصريحه
    تنسكب ذي الاغاني فى نفوس الناس مريحــه
    فى كلام ساحرالمعانى منسجم ساهل العباره

    وينو وعـدك لى بالرسايل لما اخـر مره فيها
    قلتى بي كل الوسائل ظاهر اصرارك عليها
    فى عيـونك لما طلا حزمك المشحوم جساره

    عابره انا العاجبنى فيكى الثقـه ال لامن تحير
    مابتضيعى بى ايديك لا الكضب حبلو القصير
    فى ظلام الشك عيونك ينصر الضهبان مناره


    من عرفتك لي حنانك وفي جمال طلعت صباحك
    ماكمت مهرة لساني عرقي مادخلت مراحك
    انتي يا الحسن المؤدب فقدو بالجيهتين خساره

    عـابره بطراك فى سمحنا في شمال ذاخر رياضو
    فى سواقينا وقمحنا يوم يهبهب فى حياضو
    فى الحقول فى كل دوحه جاوب الحسون كناره

    في عكر مويت الدميري في مضيق شلالو ضاري
    حاكا اشواقي الكتيري يجتلن منو المراري
    في ذمان ياعابره ظالم جنو والناس الفساره

    يوم تقع ياعابره نخله ينقطع تو في صبرنا
    يوم تقع ياعابره نخله بنحمل احزان ماقدرنا
    يوم تقع يا عابره نخله بتملي حلق الزول مراره

    يامواويلي العليكن حاذم احذاني التقيلي
    كم شكيت شوق عابره فيكن الاما باليد حيلي
    يوم تلاقن عابره قولن اني دايما في انتظاره
يعمل...
X