محمد أحمد الحبيب «شفتها مرتين»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محمد أحمد الحبيب «شفتها مرتين»

    في رؤيه ماها اضغاس منام ما صوره ابليس اللعين
    في ليلة شفتها مـــــــــــــــرتين
    لاقتني زي نفس الصبـــــــاح لاقيتا بي كل ارتياح
    زي نسمه في التلت الاخير نفحة وجوه الذاكرين
    يا عايشة ما بين الضلوع ساقيها ذكراك بالدموع
    يا هاله من تالا الشروق سكنت خيار القبلتيـــــــن
    شـوفتك تسر الناظرين يا صافي زى لون المـدين
    حتي الغوايش في ايديك ماقادري من لونك تبين
    مادايري اوصافك نبيــــه ما ليكي في الانداد شبية
    يا نافي لي المثل البقول يخلق من الشبه اربعيــ40ـن
    والكان قبيل لايمني فيك وريتو صورتك وشاف وشيك
    مابينو وبين نفسو استكان لكنو بس باقيلو شين
    يا شتلة قايمي علي الضفاف وكانت عقول الناس ضعاف
    نقلوها زي نزف الرعاف لا جرحه لا ازي لا انيــــــــــن
    نقلوها ماحسابة زول نقلوها والناس في زهــــــــول
    سرقـوها في وضح النهار يديكا عير الســــــارقين
    مهما يجور بينا الزمان محفوظه ريدتك في امــآآآآآآآن
    اخفيها في جنح الظـلام تظهر كمـا الصبـح المبيـن
    ريدتاً مشـت في الناس نشيد في كل يوم بي توب جديد
    خلتني زي ضيف المسيد في الزايلي منزوي في ركين
    حبيتك البارح براي والليلي شايلك في غــــــــــناي
    واتمني في باكر لقـــــــــاك لاكن مواعيدك متيـن
    كانت حياتنا بلا قيــــــود نتلاقـــا في درب الــــورود
    والنيل علي اخـر التساب يدفن جـروف القريه طيـن
    زهرينا لو كان تاني فاض ساعت الصبيط يبدا النجاض
    طلينا في فرح الحصــــاد فرح العصافير بالمدين
    لو ما لقيتي عليك سلام يكفيني طيفـك في المنام
    ما طالا احلامي الزمان لحقت عجـوز الغابرين
    ياروووووووووووووووووووووح
    مشبعه بالحنان لو جيتي دا المقصــــــود كمان
    تسعد ديارنا علي الاقل بي خير قدوم الواردين
    يا نازرى عمرك اغتراب يا زارعي خير في كل باب
    حاشااااك ماكي شبه عزاب حاميكي بر الوالديـن
يعمل...
X