أبو ناصر
كلمات: حسين شنقراي
أبوناصر
بعدك كسلا ما مرغوبه
الضاحك المفتر
مفرج كربة المغلوبه
باسم في المرض
وراضي بالمكتوبه
نوحنٌ عليو يا بنات
وأبكنو راجل الحوبه
ما زعلت أم ناصر
ولابت عليكا مغضوبه
معاك حلوة أيامنُ
كم فرجت إنت كروبه
حليل الشلة واللمة
وحليل جلسة الراكوبه
بلاك إتهد كل معمور
بلاك الدنيا مقلوبه
بعد ما قلنا دي الأيام
راقت خلاص يادوبه
جات بي أقدارها تترنح
حدفت علينا خطوبه
نوح يا بابكر وأبكي
علي الفارس حسين هوبه